عربي English Türkçe اردو فارسى
Logo
تازہ ترین
خبريں

خرطوم نے "نہضہ ڈیم" کے بارے میں جزوی معاہدے کی تجویز کی پیش

سوڈانی وزیر آبپاشی اور آبی وسائل یاسر عباس کو گزشتہ روز خرطوم میں پریس کانفرنس کے دوران دیکھا جا سکتا ہے (اے اف پی)
سوڈانی وزیر آبپاشی اور آبی وسائل یاسر عباس کو گزشتہ روز خرطوم میں پریس کانفرنس کے دوران دیکھا جا سکتا ہے (اے اف پی)
TT
TT

خرطوم نے "نہضہ ڈیم" کے بارے میں جزوی معاہدے کی تجویز کی پیش

سوڈانی وزیر آبپاشی اور آبی وسائل یاسر عباس کو گزشتہ روز خرطوم میں پریس کانفرنس کے دوران دیکھا جا سکتا ہے (اے اف پی)
سوڈانی وزیر آبپاشی اور آبی وسائل یاسر عباس کو گزشتہ روز خرطوم میں پریس کانفرنس کے دوران دیکھا جا سکتا ہے (اے اف پی)
ایک طرف سوڈان نے "نہضہ ڈیم" کو بھرنے اور چلانے سے متعلق اختلافات پر قابو پانے کے لئے جزوی معاہدے پر دستخط کرنے کی تجویز پیش کی ہے تو دوسری طرف عرب ممالک کے وزرائے خارجہ آج (منگل) دوحہ میں ایک غیر معمولی اجلاس کرنے جا رہے ہیں جس میں ایتھوپیا کے ڈیم فائل کے سلسلے میں ہونے والی پیشرفت کے بارے میں تبادلۂ خیال کیا جائے گا اور مصر اور سوڈان کے ساتھ اظہار یکجہتی بھی کی جائے گی۔

اس اجلاس کے موقع پر مصر نے اپنے وزیر خارجہ سامح شکری کے ذریعہ اس مسئلے میں جسے انہوں نے اپنے وجود کا مسئلہ کہا ہے عرب یکجہتی کی اہمیت پر زور دیا ہے۔

مصری وزارت خارجہ کے ایک بیان کے مطابق اجلاس میں عرب قومی سلامتی کو نقصان دہ بیرونی مداخلت سے نمٹنے کے طریقوں کے بارے میں گفتگو ہوگی اور اسی طرح وزارتی کونسل کے اس غیر معمولی اجلاس کے دوران مصر اور سوڈان کے ساتھ عرب یکجہتی کی اہمیت پر بھی تبادلۂ خیال کیا جائے گا جو اس مسئلے کے سلسلہ میں منعقد ہوگا۔(۔۔۔)

منگل 05 ذی قعدہ 1442 ہجرى – 15 جون 2021ء شماره نمبر [15540]

سب سے زیادہ پڑھا گیا

 
 
خبريں

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]

عنوانات
أستراليا لبنان