سعودی عرب کے ولی عہد اور مملکت کے وژن 2030 منصوبوں کے ستونوں میں سے ایک نیوم کے بورڈ آف ڈائریکٹرز کے چیئرمین شہزادہ محمد بن سلمان بن عبد العزیز نے کل نیوم انڈسٹریل سٹی "آکساگون" کے قیام کا اعلان کیا ہے اور یہ ایک ایسا اقدام ہے جس کا مقصد نیوم کی اس حکمت عملی کے مطابق مستقبل کے مینوفیکچرنگ مراکز کے لیے ایک نیا ماڈل فراہم کرنا ہے جو مستقبل میں انسانیت کی زندگی اور کام کرنے کے طریقے کو نئے سرے سے متعین کرنے والا ہے۔
سعودی ولی عہد نے وضاحت کی ہے کہ آکساگون انڈسٹریل سٹی خاص طور پر نیوم میں اور بالعموم مملکت میں معاشی ترقی اور تنوع کے لیے معاون ثابت ہوگا اور انہوں نے مزید کہا کہ نیوم انڈسٹریل سٹی مستقبل میں صنعتی ترقی کی طرف دنیا کے رجحان کی نئی تعریف میں کردار ادا کرے گا اور اس سے ماحول کے تحفظ اور نئے مواقع پیدا کرنے میں تعاون ملے گا۔
شہر کے اعلان کے دوران ولی عہد نے اس بات کی تصدیق کی ہے کہ آکساگون خطے میں عالمی تجارتی بہاؤ کی حمایت کے علاوہ، علاقائی تجارت کے میدان میں مملکت کی حمایت میں حصہ لے گا اور انہوں نے یہ بھی کہا کہ مجھے یہ دیکھ کر خوشی ہو رہی ہے کہ صنعتی شہر کی سرزمین پر ترقی اور کاروبار کا آغاز ہو چکا ہے اور میں اس کی تیزی سے توسیع کو دیکھنے کا منتظر ہوں۔(۔۔۔)
بدھ - 12 ربیع الثانی 1443 ہجری - 17 نومبر 2021ء شمارہ نمبر [15694]
