عربي English Türkçe اردو فارسى
Logo
تازہ ترین
خبريں

سوڈان میں اقوام متحدہ کی ثالثی کل سے شروع ہونے والی ہے

جمعرات کو خرطوم میں ہونے والے احتجاج کے ایک منظر کو دیکھا جا سکتا ہے (اے ایف پی)
جمعرات کو خرطوم میں ہونے والے احتجاج کے ایک منظر کو دیکھا جا سکتا ہے (اے ایف پی)
TT
TT

سوڈان میں اقوام متحدہ کی ثالثی کل سے شروع ہونے والی ہے

جمعرات کو خرطوم میں ہونے والے احتجاج کے ایک منظر کو دیکھا جا سکتا ہے (اے ایف پی)
جمعرات کو خرطوم میں ہونے والے احتجاج کے ایک منظر کو دیکھا جا سکتا ہے (اے ایف پی)

اقوام متحدہ نے اعلان کیا ہے کہ وہ سوڈان میں شہریوں اور فوجی اہلکاروں کے درمیان ابتدائی مشاورت کا آغاز کرنے کو ہے جس کا مقصد 25 اکتوبر کو فوج کے اقتدار سنبھالنے کے بعد سے ملک میں جاری بحران کو حل کرنا ہے جسے بین الاقوامی برادری نے 2019 کے اس آئین کے خلاف بغاوت سمجھا ہے جس میں شہریوں کے ساتھ شراکت داری قائم کرنے کی بات کی گئی ہے۔

 

اقوام متحدہ نے کل ایک بیان میں کہا ہے کہ سوڈان میں اس کے نمائندے وولکر پیریٹز سوڈانی جماعتوں کے درمیان سیاسی عمل کے لیے ابتدائی مشاورت کا باضابطہ آغاز کرنے والے ہیں جس میں اقوام متحدہ موجودہ بحران کے خاتمے کے لیے کسی معاہدے تک پہنچنے کے مقصد سے سہولت فراہم کرے گا اور بیان میں مزید کہا گیا ہے کہ تمام اسٹیک ہولڈرز، سویلینز اور ملٹری کے ساتھ مسلح تحریکوں، سیاسی جماعتوں، سول سوسائٹی، خواتین کے گروپس اور مزاحمتی کمیٹیوں کو مدعو کیا جائے گا۔(۔۔۔)

اتوار  06 جمادی الآخر 1443 ہجری  - 09  جنوری  2021ء شمارہ نمبر[15748]

سب سے زیادہ پڑھا گیا

 
 
خبريں

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]

عنوانات
أستراليا لبنان