عرب دہشت گردوں کی فہرست میں حوثیوں کی ہوئی شمولیت

TT

عرب دہشت گردوں کی فہرست میں حوثیوں کی ہوئی شمولیت

عرب وزرائے داخلہ کی کونسل کے جنرل سیکرٹریٹ نے حوثی گروپ کو دہشت گرد گروپ کے طور پر درجہ بندی کرنے اور دہشت گردانہ کارروائیوں کے مرتکب، ماسٹر مائنڈ اور مالی معاونت کرنے والوں کی عرب بلیک لسٹ میں دہشت گرد اداروں کی فہرست میں شامل کرنے کی منظوری دے دی ہے۔

عرب وزرائے داخلہ کی کونسل کے جنرل سیکرٹریٹ نے ایک بیان میں کہا ہے کہ حوثی ملیشیاؤں کی دہشت گرد تنظیم کے طور پر درجہ بندی اور اسے عرب بلیک لسٹ میں شامل کرنا یمنی آبادی کے خلاف کی جانے والی خلاف ورزیوں کے نتیجے میں سامنے آیا ہے جس میں قتل وغارت، نقل مکانی، قید اور اذیتیں بھی شامل ہیں اور 21 ستمبر 2014 کو دارالحکومت صنعا پر اس کے کنٹرول کے بعد سے پڑوسی ممالک اور عالمی برادری کے خلاف خلاف ورزیاں بڑھ گئیں ہیں اور اس کے علاوہ متحدہ عرب امارات اور سعودی عرب میں شہریوں اور بنیادی ڈھانچے کو بھی نشانہ بنانے والے سرحد پار دہشت گردانہ حملے شامل ہیں۔(۔۔۔)

 اتوار 10 شعبان المعظم  1443 ہجری  - 13  مارچ  2022ء شمارہ نمبر[15811]



آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]