عربي English Türkçe اردو فارسى
Logo
تازہ ترین
خبريں

سعودی عرب نے لبنان میں اپنے سفیر کی واپسی کا کیا اعلان

سعودی عرب نے لبنان میں اپنے سفیر کی واپسی کا کیا اعلان
  • بیروت: «الشرق الأوسط»
  • ریاض: «الشرق الأوسط»
TT
  • بیروت: «الشرق الأوسط»
  • ریاض: «الشرق الأوسط»
TT

سعودی عرب نے لبنان میں اپنے سفیر کی واپسی کا کیا اعلان

سعودی عرب نے لبنان میں اپنے سفیر کی واپسی کا کیا اعلان
گزشتہ روز سعودی وزارت خارجہ نے خادم حرمین شریفین کے سفیر کو گزشتہ سال اکتوبر کے آخر میں مشاورت کے لیے طلب کرنے کے بعد بیروت میں ان کی واپسی کا اعلان کیا ہے۔

سعودی عرب کے ایک بیان کے مطابق یہ قدم لبنان کی اعتدال پسند قومی اور سیاسی قوتوں کے مطالبات اور لبنانی حکومت کی جانب سے سعودی عرب اور خلیجی ریاستوں کے ساتھ تعاون کو بڑھانے اور خلیجی ریاستوں کو متاثر کرنے والی فوجی اور سیکورٹی سرگرمیوں کو روکنے کے لیے مطلوبہ اقدامات کرنے کے جواب میں اٹھایا گیا ہے۔
  
وزیر اعظم نجیب میقاتی نے ٹویٹر پر کہا ہے کہ ہم سعودی عرب کی طرف سے لبنان میں اپنے سفیر کو واپس بھیجنے کے فیصلے کو سراہتے ہیں اور ہم اس بات کی تصدیق کرتے ہیں کہ لبنان کو اپنی عرب وابستگی پر فخر ہے اور وہ خلیجی ریاستوں کے ساتھ بہترین تعلقات کا پابند ہے اور ہو ہمارے لئے سپورٹ تھے اور رہیں گے۔(۔۔۔)

جمعہ 07 رمضان المبارک  1443 ہجری  - 08  مارچ  2022ء شمارہ نمبر[15836]

سب سے زیادہ پڑھا گیا

 
 
خبريں

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]

عنوانات
أستراليا لبنان