سعودی ولی عہد شہزادہ محمد بن سلمان نے کل (بروز جمعرات) روسی صدر ولادیمیر پوٹن سے ٹیلی فونک رابطے کے دوران دونوں ممالک کے درمیان دوطرفہ تعلقات اور مختلف شعبوں میں انہیں ترقی دینے کے راہوں پر تبادلہ خیال کیا۔ ولی عہد کی طرف سے موصول ہونے والی کال کے دوران دونوں فریقوں نے اہم ترین علاقائی اور بین الاقوامی پیش رفت اور امن و استقرار کے حصول کے لیے کی جانے والی کوششوں کا جائزہ لیا۔
کریملن کے بیان کے مطابق فریقین نے روس اور سعودی عرب کے درمیان دوستانہ تعلقات کی سطح کی تعریف کی اور دوطرفہ تعاون کے امور پر تبادلہ خیال کیا گیا، جس میں "باہمی فائدے کے تجارتی اور اقتصادی تعلقات کو وسعت دینے پر توجہ دی گئی۔" اسی طرح تیل کی عالمی منڈی کی موجودہ صورتحال پر بھی تبادلہ خیال کیا گیا۔
"اوپیک پلس" ممالک اس بات کے خواہاں ہیں کہ روس اس بلاک میں شرکت جاری رکھے، تاکہ تیل اور توانائی کی مارکیٹ کے استحکام کو بڑھایا جا سکے۔ کل کریملن کی طرف سے جاری کیے گئے ایک بیان میں کہا گیا ہے کہ: "ہم اطمینان کے ساتھ دیکھ رہے ہیں کہ (اوپیک پلس) میں شریک ممالک توانائی کی عالمی منڈی میں ضروری توازن اور استحکام کو برقرار رکھنے کے لیے مسلسل اپنی ذمہ داریاں نبھا رہے ہیں۔"(...)
جمعہ - 23 ذی الحجہ 1443ہجری - 22 جولائی 2022ء شمارہ نمبر(15942(
