امریکی محکمہ انصاف نے امریکہ میں ایرانی "پاسداران انقلاب" کے ایک رکن پر قومی سلامتی کے سابق مشیر جان بولٹن کے قتل کی سازش کرنے پر فرد جرم عائد کرنے کا اعلان کیا ہے۔
وزارت نے کل بدھ کے روز ایک بیان میں کہا کہ( 45 سالہ) شہرام بورصافی نے جنوری 2020 میں "القدس برگیڈ" کے کمانڈر قاسم سلیمانی کے قتل کے بدلے میں بولٹن کے قتل کی منصوبہ بندی کرنے کی کوشش کی۔ مزید کہا کہ اس نے ریاست ہائے متحدہ امریکہ میں افراد کو دارالحکومت واشنگٹن یا میری لینڈ کے ایک مضافاتی علاقے میں قتل کی کاروائی کے لیے 3 لاکھ ڈالر ادا کرنے کی کوشش کی۔
معاون وزیر انصاف میتھیو اولسن نے کہا کہ "محکمہ کا فرض ہے کہ وہ امریکی شہریوں کا دشمن حکومتوں کے خلاف دفاع کرے جو انہیں مارنے یا نقصان پہنچانے کی کوشش کرتی ہیں،" انہوں نے نشاندہی کی کہ "یہ پہلی بار نہیں ہے کہ امریکی سرزمین پر افراد سے انتقام لینے کی ایرانی سازشوں کا انکشاف ہوا ہے... اور ہم ان تمام کارروائیوں کو بے نقاب کرنے اور انہیں ناکام بنانے کے لیے سخت محنت کریں گے۔"(...)
جمعرات - 13 محرم 1444ہجری - 11 اگست 2022ء شمارہ نمبر [15962]
