حملے کی بار بار کوششیں طرابلس کو خوفزدہ کر رہی ہیں

لیبیا کے دارالحکومت نے دو دن کی خونریز لڑائی کے زخم مندمل کر دیئے ... اور اس کے مرنے والوں کو سپرد خاک کر دیا

لڑائیوں کے اگلے دن، کل طرابلس میں تباہ شدہ کار اور جلتی ہوئی عمارت (رائٹرز)
لڑائیوں کے اگلے دن، کل طرابلس میں تباہ شدہ کار اور جلتی ہوئی عمارت (رائٹرز)
TT

حملے کی بار بار کوششیں طرابلس کو خوفزدہ کر رہی ہیں

لڑائیوں کے اگلے دن، کل طرابلس میں تباہ شدہ کار اور جلتی ہوئی عمارت (رائٹرز)
لڑائیوں کے اگلے دن، کل طرابلس میں تباہ شدہ کار اور جلتی ہوئی عمارت (رائٹرز)

طرابلس میں دو روز تک جاری رہنے والی خونریز لڑائیوں کہ جس میں درجنوں افراد ہلاک و زخمی ہوئے، اس کے بعد ایک محتاط سکون رہا۔ پھر جبکہ طرابلس لڑائیوں کے زخموں کو مندمل اور اس کے مردوں کو دفن کر رہا تھا تو "استحکام حکومت" کے سربراہ فتحی باشاغا کی متوازی ملیشیاؤں کی طرف سے اس پر بار بار حملہ کرنے کی کوششٰں کی گئی۔ جبکہ فتحی باشاغا دوسری بار اپنے حریف "اتحاد حکومت" کے سربراہ عبدالحمید الدبیبہ سے دارالحکومت واپس لینے میں ناکام رہے ہیں۔
لیبیا کی خبر رساں ایجنسی نے دارالحکومت طرابلس اور اس کے گردونواح کے تمام علاقوں میں صبح کے اوائل سے ہی پرسکون صورتحال کی نگرانی کی اور اس بات کی تصدیق کی کہ باشاغا کے وفادار مغربی فوجی علاقے کے کمانڈر اسامہ الجویلی اور دبیبہ سے وابستہ مسلح گروہوں کے رہنما کے درمیان کئی گھنٹوں تک جاری رہنے والی بات چیت کے بعد ایک معاہدہ طے پا گیا ہے۔ جس کے مطابق باشاغا کی فوجیں عزیزیہ میں فورتھ بریگیڈ کیمپ کی طرف واپس آگئیں ہیں۔ دریں اثنا الدبیبہ کی جنرل سیکیورٹی اور وزارت داخلہ کے عناصر "الجبس السوانی" روڈ کو محفوظ بنائیں گے اور پُل 27 اور اس سے آگے تک کے مغربی ساحل کے فوجی علاقوں کو حوالے کر دیں گے۔(...)

پیر - یکم صفر 1444 ہجری - 29 اگست 2022ء، شمارہ نمبر (15980(
 



آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]