روس اور مغرب کے درمیان توانائی کی جنگ میں مزد کشیدگی ہونے کے ساتھ ماسکو نے اعلان کیا ہے کہ وہ جرمنی کو گیس کی سپلائی پہنچانے والی اہم پائپ لائن کو بند رکھے گا جبکہ توقع کی جا رہی تھی کہ ماسکو کی طرف سے اعلان کردہ دیکھ بھال کے کام کے خاتمے کے بعد کل (ہفتہ) سے یورپ کو روسی گیس کی سپلائی دوبارہ شروع ہو جائے گی لیکن روس کی بڑی کمپنی "گیس پروم" نے کل اعلان کیا ہے کہ ٹربائن کی مرمت ہونے تک پائپ لائن "مکمل طور پر بند رہے گی اور اس سلسلہ میں کسی آخری تاریخ کی تحدید بھی نہیں ہوئی ہے۔
روسی اقدام پر تبصرہ کرتے ہوئے امریکی قومی سلامتی کونسل کے ترجمان نے کہا ہے کہ بدقسمتی سے یہ حیرت کی بات نہیں ہے کہ روس یورپی صارفین کے خلاف توانائی کو بطور ہتھیار استعمال کر رہا ہے، تاہم، کریملن نے اسے مسترد کرتے ہوئے یہ کہا ہے کہ توانائی کی فراہمی کی کمی روس پر عائد پابندیوں کی وجہ سے ہوئی ہے اور روس کا یہ بھی کہنا ہے کہ پابندیاں اسے سیمنز ٹربائن کی بازیافت سے روک رہی ہیں جسے مرمت کے لئے کینیڈا بھیجا گیا ہے جبکہ جرمنی نے جہاں ٹربائن نصب کی جانی تھی اس بات پر زور دیا ہے کہ ماسکو اس بنیادی ٹکڑے کی بازیابی میں رکاوٹ ڈال رہا ہے۔(۔۔۔)
اتوار 07 صفر المظفر 1444ہجری - 04 ستمبر 2022ء شمارہ نمبر[15986]
