پوٹن کا قحط سے خبردار اور یورپ کی تمام توانائی کو منقطع کرنے کی دھمکی

پوٹن نے زور دے کر کہا کہ دنیا اس وقت جو تبدیلیاں دیکھ رہی ہے وہ "ناقابل واپسی" ہیں (اے ایف پی)

روس کے صدر ولادیمیر پوٹن نے کل (بدھ کے روز) ترقی پذیر ممالک میں قحط سے خبردار کیا اور دھمکی دی کہ اگر یورپی یونین نے روسی توانائی کی قیمتوں میں اضافے کی دھمکیوں پر عمل درآمد کیا تو یورپی یونین کے ممالک سے ہر قسم کی توانائی روک دی جائے گی۔
پوٹن نے روس کے مشرق بعید میں منعقدہ اقتصادی فورم سے اپنی تقریر میں اس بات کی تردید کی کہ "نارڈ اسٹریم" پائپ لائن کے ذریعے روسی گیس کی ترسیل روکنے کے چند دن بعد ان کا ملک یورپ کے خلاف توانائی کو بطور "ہتھیار" استعمال کر رہا ہے۔ پوٹن نے کہا کہ مغربی ممالک کہتے ہیں کہ "روس توانائی کو بطور ہتھیار استعمال کر رہا ہے۔  فضول بات! ہم کونسا ہتھیار استعمال کر رہے ہیں؟ ہم درآمد کنندہ ممالک کی درخواستوں کے مطابق ضروری مقدار فراہم کرتے ہیں۔" روسی صدر نے مزید کہا کہ "ہمیں ایک ٹربائن دیں اور ہم کل ہی  (نارڈ اسٹریم) کو دوبارہ شروع کر دیں گے۔"

جمعرات - 11 صفر 1444ہجری - 08 ستمبر 2022 عیسوی شمارہ نمبر [ 15990[