کل یوکرین کے شہری اپنے پیاروں کی تلاش کے لیے خارکیو علاقے کے (شمال مشرقی) قصبے ایزیوم میں پائی جانے والی اجتماعی قبر کی طرف روانہ ہوئے۔ جبکہ ہنگامی ٹیمیں سینکڑوں لاشوں کو نکالتی رہیں جو روسی افواج کو علاقے سے نکالے جانے کے بعد ملی تھیں۔ اگرچہ فوری طور پر موت کی وجہ کا تعین نہیں ہوسکا لیکن رہائشیوں نے بتایا کہ کچھ کی موت فضائی حملے میں ہوئی تھی۔ یوکرائنی حکام نے بتایا کہ کم از کم ایک لاش کو ہتھکڑی لگی ہوئی تھی اور گلے پر رسی کے نشانات تھے۔
یوکرین کے صدر ولادیمیر زیلنسکی نے کہا کہ تفتیش کاروں کو قبرستان میں دفن افراد پر تشدد کئے جانے کے شواہد ملے ہیں۔ انہوں نے ہفتے کی شام ایک تقریر میں مزید کہا: "خارکیو کے آزاد کرائے گئے علاقوں میں مختلف شہروں اور قصبوں میں دس سے زیادہ ٹارچر سیل ملے ہیں... مقبوضہ علاقوں میں تشدد عموما پھیلا ہوا تھا۔ ایسا نازیوں نے کیا تھا۔ یہی (روسی) کر رہے ہیں۔" انہوں نے جاری رکھتے ہوئے مزید کہا، "ان کا اسی طرح احتساب کیا جائے گا، خواہ میدان جنگ میں ہو یا کمرہ عدالت میں۔"(...)
پیر - 23 صفر 1444ہجری - 19 ستمبر 2022ء شمارہ نمبر [16001]
