عربي English Türkçe اردو فارسى
Logo
تازہ ترین
خبريں

عربی میں "الشرق ڈسکوری" چینل شروع کرنے کے لئے شراکت داری ہوئی ہے

جمانا الراشد اور جیمی کیک کو معاہدے پر دستخط کرتے ہوئے دیکھا جا سکتا ہے (الشرق الاوسط)
جمانا الراشد اور جیمی کیک کو معاہدے پر دستخط کرتے ہوئے دیکھا جا سکتا ہے (الشرق الاوسط)
  • دبئی: «الشرق الأوسط»
TT
  • دبئی: «الشرق الأوسط»
TT

عربی میں "الشرق ڈسکوری" چینل شروع کرنے کے لئے شراکت داری ہوئی ہے

جمانا الراشد اور جیمی کیک کو معاہدے پر دستخط کرتے ہوئے دیکھا جا سکتا ہے (الشرق الاوسط)
جمانا الراشد اور جیمی کیک کو معاہدے پر دستخط کرتے ہوئے دیکھا جا سکتا ہے (الشرق الاوسط)
مشرق وسطیٰ اور شمالی افریقہ میں میڈیا گروپ کے طور پر معروف سعودی ریسرچ اینڈ میڈیا گروپ (SRMG) اور معروف عالمی میڈیا اور تفریحی کمپنی "وارنر برادرس ڈسکوری" (WBD) نے ایک طویل مدتی شراکت داری پر دستخط کرکے عربی زبان کے نئے ٹی وی چینل الشرق ڈسکوری کے افتتاح کا اعلان کیا ہے جس کے دیکھنے والے وسیع پیمانہ کثیر دلچسپی والے سامعین ہوں گے جس کا مقصد خطے کے میڈیا اور (SRMG)کے فراہم کردہ پلیٹ فارمز میں شامل ہونا ہے۔

(SRMG) کے سی ای او جمانا راشد الراشد نے کہا ہے کہ عالمی "وارنر برادرس ڈسکوری" کے ساتھ یہ اسٹریٹجک تعاون جدید طریقوں کے ساتھ متعدد پلیٹ فارمز کے ذریعہ مزید متحرک اور جدید عربی مواد فراہم کرنے کی ہماری صلاحیت کو بڑھائے گا؛ لہذا، یہ شراکت داری ہماری ترقی کی طرف مزید ایک قدم ہے جو مختلف ناظرین کو متنوع اور خصوصی مواد فراہم کرنے کے سلسلہ میں گروپ کے عزم کی عکاسی کرتی ہے۔(۔۔۔)

بدھ 03 ربیع الاول 1444ہجری -  28 ستمبر   2022ء شمارہ نمبر[16010]    

سب سے زیادہ پڑھا گیا

 
 
خبريں

اسرائیل نے جنگ بندی کے معاہدے کے تحت 30 فلسطینی قیدیوں کی چھٹی کھیپ کو رہا کر دیا

جنگ بندی کے معاہدے کے تحت فلسطینی قیدیوں کی رہائی کے دوران عوفر فوجی جیل کے باہر ریڈ کراس کی گاڑی (اے ایف پی)
جنگ بندی کے معاہدے کے تحت فلسطینی قیدیوں کی رہائی کے دوران عوفر فوجی جیل کے باہر ریڈ کراس کی گاڑی (اے ایف پی)
TT
TT

اسرائیل نے جنگ بندی کے معاہدے کے تحت 30 فلسطینی قیدیوں کی چھٹی کھیپ کو رہا کر دیا

جنگ بندی کے معاہدے کے تحت فلسطینی قیدیوں کی رہائی کے دوران عوفر فوجی جیل کے باہر ریڈ کراس کی گاڑی (اے ایف پی)
جنگ بندی کے معاہدے کے تحت فلسطینی قیدیوں کی رہائی کے دوران عوفر فوجی جیل کے باہر ریڈ کراس کی گاڑی (اے ایف پی)

اسرائیلی جیل سروس نے آج (بروز جمعرات) صبح سویرے اعلان کیا کہ اس نے اسرائیل اور تحریک حماس کے درمیان عارضی جنگ بندی کے معاہدے کے مطابق 30 فلسطینی قیدیوں کی نئی کھیپ کو رہا کر دیا ہے، اور گر دونوں فریق اس میں توسیع پر رضامند نہ ہوئے تو اس کی مدت آج صبح ختم ہو جائے گی۔

رہائی پانے والے فلسطینی قیدیوں کی یہ چھٹی کھیپ تھی جو حماس کی جانب سے غزہ کی پٹی میں 16 یرغمالیوں کی ایک اضافی کھیپ کو رہا کرنے کے فوراً بعد عمل میں آئی تھی۔ جن میں معاہدے کے تحت 10 اسرائیلی یرغمالی آزاد کیے گئے، جب کہ تھائی لینڈ کے 4 اور روس کی 2 خواتین کو معاہدے کے بغیر رہا کیا گیا۔

قطر، جو دونوں فریقوں کے درمیان ثالثی کی کوششوں کی قیادت کر رہا ہے، نے اعلان کیا کہ بدھ کی رات جن فلسطینی قیدیوں کو رہا کیا گیا، ان میں 16 نابالغ بچے اور 14 خواتین شامل ہیں۔

رہا ہونے والوں میں 22 سالہ نوجوان خاتون کارکن عہد تمیمی بھی شامل ہے جو مقبوضہ مغربی کنارے میں فلسطینیوں کی عوامی مزاحمت کی نمایاں ترین علامت شمار ہوتی ہیں۔

خیال رہے کہ اس بار، التمیمی کو تین ہفتے قبل انسٹاگرام پر ایک پوسٹ میں "تشدد پر اکسانے" کے الزام میں گرفتار کیا گیا تھا، اسرائیلی حکام نے اس پوسٹ کی تصدیق کی تھی کہ وہ اسی کی تھی، جب کہ نوجوان خاتون کے اہل خانہ اس سے انکار کرتے ہیں۔(…)

جمعرات-16 جمادى الأولى 1445ہجری، 30 نومبر 2023، شمارہ نمبر[16438]

 

عنوانات
فلسطين إسرائيل
خبريں

گھانا میں غلامی کے معاوضے کے منصوبے کی خاطر ایک کانفرنس کا انعقاد

اڈو (درمیان میں) اکرا میں معاوضے کی کانفرنس کے پہلے روز کی سرگرمیوں میں (روئٹرز)
اڈو (درمیان میں) اکرا میں معاوضے کی کانفرنس کے پہلے روز کی سرگرمیوں میں (روئٹرز)
TT
TT

گھانا میں غلامی کے معاوضے کے منصوبے کی خاطر ایک کانفرنس کا انعقاد

اڈو (درمیان میں) اکرا میں معاوضے کی کانفرنس کے پہلے روز کی سرگرمیوں میں (روئٹرز)
اڈو (درمیان میں) اکرا میں معاوضے کی کانفرنس کے پہلے روز کی سرگرمیوں میں (روئٹرز)

افریقہ کے ملک گھانا کے صدر نانا اکوفو-اڈو نے منگل کے روز کہا کہ افریقیوں اور تارکین وطن کے لوگوں کو غلام بنانے کے لیے مالی معاوضہ طویل عرصے سے زیر التوا ہے۔

اگرچہ سرگرم کارکن طویل عرصے سے افریقی براعظم پر غلامی کے نشانات پر قابو پانے کے لیے معاوضے یا دیگر مفاہمتوں کا مطالبہ کر رہے ہیں،  لیکن ان اقدامات کے لیے افریقہ اور کیریبین ممالک کی طرف سے بڑھتے ہوئے مطالبات کے درمیان، اس تحریک نے حال ہی میں پوری دنیا میں زور پکڑ لیا ہے۔

اکوفو اڈو نے گھانا کے دارالحکومت اکرا میں اس طرح کی تاریخی ناانصافیوں سے نمٹنے کے بارے میں چار روزہ معاوضہ کانفرنس کے پہلے روز کہا "کوئی بھی رقم بحرہ روم کے راستے غلاموں کی تجارت سے ہونے والے نقصان کو ٹھیک نہیں کر سکتی... لیکن یہ یقینی طور پر ایک ایسا مسئلہ ہے جس کا دنیا کو سامنا کرنا چاہیے اور اسے مزید نظر انداز نہیں کیا جانا چاہیے۔"(...)

بدھ-01 جمادى الأولى 1445ہجری، 15 نومبر 2023، شمارہ نمبر[16423]

عنوانات
غانا أفريقيا
خبريں

سلامتی کونسل غزہ پر امریکی اور روسی قراردادوں کے مسودوں کو منظور کرانے میں ناکام

اقوام متحدہ کی سلامتی کونسل کے ارکان 25 اکتوبر 2023 کو نیویارک میں اقوام متحدہ کے ہیڈ کوارٹر میں اسرائیل اور حماس کے درمیان تنازعہ پر سلامتی کونسل کے اجلاس کے دوران ووٹ دے رہے ہیں (رائٹرز)
اقوام متحدہ کی سلامتی کونسل کے ارکان 25 اکتوبر 2023 کو نیویارک میں اقوام متحدہ کے ہیڈ کوارٹر میں اسرائیل اور حماس کے درمیان تنازعہ پر سلامتی کونسل کے اجلاس کے دوران ووٹ دے رہے ہیں (رائٹرز)
TT
TT

سلامتی کونسل غزہ پر امریکی اور روسی قراردادوں کے مسودوں کو منظور کرانے میں ناکام

اقوام متحدہ کی سلامتی کونسل کے ارکان 25 اکتوبر 2023 کو نیویارک میں اقوام متحدہ کے ہیڈ کوارٹر میں اسرائیل اور حماس کے درمیان تنازعہ پر سلامتی کونسل کے اجلاس کے دوران ووٹ دے رہے ہیں (رائٹرز)
اقوام متحدہ کی سلامتی کونسل کے ارکان 25 اکتوبر 2023 کو نیویارک میں اقوام متحدہ کے ہیڈ کوارٹر میں اسرائیل اور حماس کے درمیان تنازعہ پر سلامتی کونسل کے اجلاس کے دوران ووٹ دے رہے ہیں (رائٹرز)

اقوام متحدہ نے کل بدھ کے روز اعلان کیا کہ سلامتی کونسل غزہ کی پٹی کے حوالے سے ایک امریکی اور دوسری روسی دونوں مسودہ قراردادیں منظور کرنے میں ناکام رہی ہے۔

"ایکس" پلیٹ فارم پر (اقوام متحدہ نیوز) اکاؤنٹ نے کہا کہ روس اور چین نے اپنے ویٹو پاور کا استعمال کرتے ہوئے سلامتی کونسل میں امریکہ کی زیرقیادت مسودہ قرارداد کو منطور کرنے میں ناکام بنا دیا جس میں انسانی بنیادوں پر جنگ بندی اور غزہ کی امداد کے لیے ایک محفوظ راہداری کے قیام کا مطالبہ کیا گیا تھا۔

مزید کہا گیا ہے کہ امریکی مسودہ قرارداد کو دس ارکان کی منظوری ملی اور تین ممالک چین، روس اور متحدہ عرب امارات نے اس پر اعتراض کیا جبکہ دو ارکان نے ووٹنگ سے پرہیز کیا۔ جب کہ روسی مسودہ قرارداد، جس میں انسانی بنیادوں پر جنگ بندی اور غزہ کے لیے بلا روک ٹوک امداد کی فراہمی کا مطالبہ کیا گیا تھا، اسے متحدہ عرب امارات سمیت چار ارکان نے منظور کیا اور امریکہ اور برطانیہ نے اس پر اعتراض کیا، جب کہ نو ممالک نے ووٹنگ سے پرہیز کیا۔

دوسری جانب، اقوام متحدہ میں روس کے مستقل نمائندے واسیلی نیبنزیا نے امریکی مسودہ قرارداد کو "اسرائیلی حملے جاری رکھنے کے لیے سلامتی کونسل کی طرف سے ایک لائسنس شمار کیا اور کہا کہ اسے منظور نہیں کیا جا سکتا کیونکہ اس سے کونسل کی ساکھ مکمل طور پر ختم ہو جائے گی۔"

روسی خبر رساں ایجنسی "سپوتنک" نے نیبنزیا کے حوالے سے کہا کہ ریاست ہائے متحدہ امریکہ "نہیں چاہتا کہ سلامتی کونسل کی قراردادیں اسرائیلی کاروائیوں پر اثر انداز ہوں۔"

روسی نیوز ایجنسی نے مزید کہا کہ "بین الاقوامی انسانی قانون کی خلاف ورزیوں سے یہ تنازع مشرق وسطیٰ اور شاید اس سے آگے تک پھیلنے کا خطرہ ہے۔" ایجنسی نے زور دیا کہ جس چیز کو انہوں نے "سخت مفادات اور خود غرضی قرار دیا ہے وہ غزہ کی پٹی میں انسانی تباہی کو روکنے سے منع کرتا ہے۔" (...)

جمعرات-11 ربیع الثاني 1445ہجری، 26 اکتوبر 2023، شمارہ نمبر[16403]

عنوانات
العالم
خبريں

اسرائیل اور حزب اللہ کے درمیان جھڑپوں میں اضافہ

جنوبی لبنان کی طرف جانے والے روڈ پر اسرائیلی فوجی قافلہ (اے ایف پی)
جنوبی لبنان کی طرف جانے والے روڈ پر اسرائیلی فوجی قافلہ (اے ایف پی)
TT
TT

اسرائیل اور حزب اللہ کے درمیان جھڑپوں میں اضافہ

جنوبی لبنان کی طرف جانے والے روڈ پر اسرائیلی فوجی قافلہ (اے ایف پی)
جنوبی لبنان کی طرف جانے والے روڈ پر اسرائیلی فوجی قافلہ (اے ایف پی)

گزشتہ روز لبنان کی جنوبی سرحد کے پار اسرائیل اور "حزب اللہ" کے درمیان جھڑپوں کی شدت میں اضافہ ہوگیا اور لبنان کے ایک ایسی جنگ میں شامل ہونے کے امکان کے بارے میں خدشات اور توقعات بڑھ گئی ہیں کہ جس سے حکام ملک کی گرتی اقتصادی صورتحال پر متوقع اثرات کے سبب گریز کرنا چاہتے ہیں۔

گزشتہ روز اسرائیلی فورسز کے ساتھ بمباری کے تبادلے میں "حزب اللہ" کے پانچ ارکان مارے گئے اور "حماس" کے آپریشن کے بعد غزہ میں جاری جھڑپیں شدید اور ان کا دائرہ کار وسیع ہو کر شبعا فارمز اور کفر شوبا کے علاقوں سے باہر تک پھیل چکا ہے، جب کہ گذشتہ دنوں ان علاقوں میں کاروائیاں جاری تھیں۔ دوسری جانب اسرائیلی چیف آف اسٹاف ہرزی ہیلیوی نے "حزب اللہ" کو دھمکی دی ہے کہ "اگر اس نے غلطی کی تو اسے تباہ کر دیا جائے گا۔"

اسرائیلی فوج نے اعلان کیا ہے کہ لبنان سے شمالی اسرائیل کی طرف فائر کیے جانے والے ٹینک شکن میزائل کے نتیجے میں ان کے دو فوجیوں اور ایک شہری سمیت تین افراد زخمی ہوگئے ہیں۔

خبر رساں ادارے "رائٹرز" نے اطلاع دی ہے کہ جنوبی لبنان کے گاؤں علما الشعب کے قریب اسرائیلی بمباری سے چار افراد اس وقت مارے گئے جب وہ دونوں ممالک کے درمیان سرحدی باڑ کو عبور کرنے اور دھماکہ خیز مواد نصب کرنے کی کوشش کر رہے تھے۔

دریں اثناء، لبنان کی سرحد پر واقع کریات شمونہ نامی اسرائیلی بستی میں سہ پہر کے وقت سائرن بجنے لگے، اور "حزب اللہ" نے اسرائیلی فورسز کے خلاف متعدد کارروائیاں کرنے کی تصدیق کی اور اعلان کیا کہ جنوبی لبنان کے مشرقی سیکٹر میں مرکبا قصبے کے سامنے واقع رامیم نامی اسرائیلی بستی میں اسرائیلی فوج کے ایک خیمے کو نشانہ بنایا گیا جس کے اندر فوجی موجود تھے۔ جس پر اسرائیلی فوجیں واپس آگئیں اور رمیش اور یارون نامی قصبوں کے مضافات پر بمباری کرکے اس حملے کا جواب دیا۔ (...)

بدھ-03 ربیع الثاني 1445ہجری، 18 اکتوبر 2023، شمارہ نمبر[16395]

عنوانات
لبنان إسرائيل
خبريں

سعودی ہال "باغبانی کے لیے دوحہ ایکسپو 2023" میں توجہ حاصل کر رہا ہے

سعودی ہال میں "ہمارا ماحول"، "ہماری پہل کاری" اور "ہماری خوشحالی" نامی اہم شعبے شامل ہیں (واس)
سعودی ہال میں "ہمارا ماحول"، "ہماری پہل کاری" اور "ہماری خوشحالی" نامی اہم شعبے شامل ہیں (واس)
TT
TT

سعودی ہال "باغبانی کے لیے دوحہ ایکسپو 2023" میں توجہ حاصل کر رہا ہے

سعودی ہال میں "ہمارا ماحول"، "ہماری پہل کاری" اور "ہماری خوشحالی" نامی اہم شعبے شامل ہیں (واس)
سعودی ہال میں "ہمارا ماحول"، "ہماری پہل کاری" اور "ہماری خوشحالی" نامی اہم شعبے شامل ہیں (واس)

قطر کے امیر شیخ تمیم بن حمد آل ثانی اور متعدد ممالک کے رہنماؤں اور سربراہان مملکت کے علاوہ دنیا کے مختلف حصوں سے شریک وفود نے "باغبانی کے لیے دوحہ ایکسپو 2023" نمائش میں شامل سعودی ہال کا دورہ کیا۔ سعودی نیوز ایجنسی (واس) کے مطابق سعودی وزیر برائے ماحول، پانی اور زراعت عبدالرحمن الفضلی نے ان کا خیر مقدم کیا اور ہال کے بارے میں وضاحت کرتے ہوءے سبز ماحولیاتی اقدامات اور قابل تجدید توانائی کے موثر تعاون کے کام پر انہیں بریفنگ دی۔

یہ نمائش جو کہ "سبز صحرا... ایک بہتر ماحول" کے نعرے کے تحت منعقد کی گئی ہے، اس میں شامل سعودی ہال نے نمائش کے باضابطہ افتتاح کے موقع پر معزز شخصیات، جن میں مختلف ممالک کے رہنما، سربراہان مملکت و حکومتوں کے علاوہ دنیا کے مختلف حصوں سے آنے والے زائرین شامل تھے، کی نگاہوں کو اپنی جانب مبذول کرانے میں کامیاب رہا۔ سعودی ہال نے باغبانی اور ماحولیاتی پائیداری کے میدان میں بہترین طریقوں اور اختراعات کی نمائش کر کے بین الاقوامی برادری کو زرعی زمین کو صحرا میں بدلنے سے بچانے کے لیے اختراعی حل تلاش کرنے اور اسے اپنانے کی ترغیب دیتے ہوئے چار محوروں کی جانب توجہ دلائی، جن میں جدید زراعت، ٹیکنالوجی اور ایجادات، ماحولیاتی آگاہی اور پائیداری شامل ہیں۔ (...)

بدھ-19ربیع الاول 1445ہجری، 04 اکتوبر 2023، شمارہ نمبر[16381]

عنوانات
السعودية قطر
خبريں

یہودیوں کے "یوم عرش" کے تیسرے روز ایک ہزار اسرائیلی آباد کاروں کا مسجد اقصیٰ پر دھاوا

مسجد اقصیٰ کے باب السلسلہ میں اسرائیلی فورسز کی ایک خاتون سمیت فلسطینیوں کے ساتھ جھڑپیں (ڈی پی اے)
مسجد اقصیٰ کے باب السلسلہ میں اسرائیلی فورسز کی ایک خاتون سمیت فلسطینیوں کے ساتھ جھڑپیں (ڈی پی اے)
TT
TT

یہودیوں کے "یوم عرش" کے تیسرے روز ایک ہزار اسرائیلی آباد کاروں کا مسجد اقصیٰ پر دھاوا

مسجد اقصیٰ کے باب السلسلہ میں اسرائیلی فورسز کی ایک خاتون سمیت فلسطینیوں کے ساتھ جھڑپیں (ڈی پی اے)
مسجد اقصیٰ کے باب السلسلہ میں اسرائیلی فورسز کی ایک خاتون سمیت فلسطینیوں کے ساتھ جھڑپیں (ڈی پی اے)

یہودیوں کے "یوم عرش" کے تیسرے روز کم از کم 1,000 اسرائیلی آباد کاروں نے القدس میں مسجد اقصیٰ کے صحنوں پر دھاوا بولا اور ہزاروں افراد نے البراق اسکوائر میں منعقد ہونے والے "کاہنوں کی برکت" کے جشن میں شرکت کی۔

مسجد الاقصیٰ پر دھاورا بولنے والوں میں سابق وزراء اور کنیسٹ ارکان بھی شامل تھے جنہوں نے پرانے شہر کی گلیوں میں گھومنے کے بعد مسجد کے صحنوں میں تلمودی رسومات ادا کیں۔ خیال رہے کہ اتوار کے روز مسجد اقصیٰ پر دھاوا بولنے والوں کی تعداد 900 تک تھی جو "یوم عرش" کے تیسرے دن بڑھ کر ایک ہزار ہو گئی۔

مسجد اقصیٰ پر وسیع پیمانے پر ہونے والا یہ حملہ "ہیکل" گروپوں کی اپیل کے جواب میں تھا، جس میں ہفتے کے روز سے شروع ہونے والے یہودیوں کے "یوم عرش"، جو کہ ایک ہفتہ تک جاری رہے گا، کے دوران مسجد الاقصیٰ پر حملوں کو تیز کرنے کی اپیل کی گئی تھی، جب کہ اس دوران زبردست کشیدگی کا مشاہدہ کیے جانے کی توقع ہے۔

"ہیکل" کے گروپوں نے اس سال اپنے حامیوں سے اپیل کی کہ وہ زیادہ سے زیادہ تعداد میں الاقصیٰ پہنچیں اور "ہیکل کی تطہیر" کی دعاؤں میں شامل ہو کر پچھلے تمام ریکارڈز توڑ دیں۔ "ہیکل" کے گروہ مسجد اقصی میں ایک نئی حقیقت قائم کرنے کی کوشش میں یومیہ کی بنیاد پر بار بار اور بعض اوقات وسیع پیمانے پر دھاوا بولتے ہیں، جب کہ فلسطینی اتھارٹی نے اسی صورت حال کے سبب مذہبی جنگ کا انتباہ دیا تھا۔

جب کہ اسرائیلی پولیس کی بھاری نفری مسجد کے اطراف میں تعینات کر دی گئی اور تصادم شروع ہونے سے پہلے آباد کاروں کی آمد کو آسان بنانے کے لیے القدس کے باہر سے آنے والے فلسطینیوں کے داخلے پر پابندی عائد کر دی گئی، اور تصادم کے دوران اسرائیلی پولیس نے مسجد اقصیٰ کے اندر اور باہر فلسطینیوں پر حملہ کیا۔ (...)

منگل-18 ربیع الاول 1445ہجری، 03 اکتوبر 2023، شمارہ نمبر[16380]

 

عنوانات
إسرائيل فلسطين
خبريں

ہیگ میں سفارت خانوں کے سامنے قرآن مجید کے نسخوں کو شہید کرنے پر عربوں کی مذمت

ایک شخص قرآن پاک کا نسخہ تھامے ہوئے ہے (آرکائیو - اے پی)
ایک شخص قرآن پاک کا نسخہ تھامے ہوئے ہے (آرکائیو - اے پی)
TT
TT

ہیگ میں سفارت خانوں کے سامنے قرآن مجید کے نسخوں کو شہید کرنے پر عربوں کی مذمت

ایک شخص قرآن پاک کا نسخہ تھامے ہوئے ہے (آرکائیو - اے پی)
ایک شخص قرآن پاک کا نسخہ تھامے ہوئے ہے (آرکائیو - اے پی)

مصر اور متحدہ عرب امارات ان متعدد ممالک میں شامل ہو گئے ہیں جنہوں نے کل پیر کے روز نیدرلینڈ کے شہر "دی ہیگ" میں متعدد سفارت خانوں کے سامنے انتہا پسند گروپ کی جانب سے قرآن مجید کے نسخوں کو شہید کرنے کی مذمت کی ہے۔

مصری وزارت خارجہ نے اپنے بیان میں کہا ہے کہ مصر ہالینڈ میں ایک انتہا پسند تحریک کے رہنما کی جانب سے بار بار دی ہیگ میں قرآن پاک کو شہید کرنے کے واقعے کی شدید مذمت کرتا ہے اور اس پر غم و غصے کا اظہار کرتا ہے۔ مصر نے اسے "اشتعال انگیز اور غیر ذمہ دارانہ طرز عمل قرار دیا جو لاکھوں مسلمانوں کے مقدسات کی حرمت کو پامال کرتے ہیں اور نفرت انگیز تقریر کو ہوا دیتے ہیں۔"

دوسری جانب، امارات نیوز ایجنسی نے متحدہ عرب امارات کی وزارت خارجہ کے حوالے سے کہا کہ "مملکت نیدرلینڈز میں انتہا پسندوں کی طرف سے قرآن پاک کے نسخوں پر کیے جانے والے حملوں" پر ملک کی جانب سے مذمت کی گئی ہے اور وزارت خارجہ نے ڈچ حکومت سے مطالبہ کیا ہے کہ "وہ اس واقعہ کی ذمہ داری قبول کریں اور ان توہین آمیز کارروائیوں کو روکیں۔"

متحدہ عرب امارات کی وزارت خارجہ نے "ایسے تمام اقدامات کو مسترد کرنے کی تصدیق کی جن کا مقصد امن و سلامتی کو غیر مستحکم کرنا ہو اور جو انسانی اخلاقی اقدار اور اصولوں سے متصادم ہوں۔" وزارت نے انتباہ کیا کہ "نفرت انگیز تقریر اور انتہا پسندی لوگوں کے درمیان رواداری، بقائے باہمی اور امن کی اقدار کو پھیلانے کی کوشش کرنے والی بین الاقوامی کوششوں سے متصادم ہے۔" (...)

منگل-11 ربیع الاول 1445ہجری، 26 ستمبر 2023، شمارہ نمبر[16373]

عنوانات
مصر الإمارات هولندا
خبريں

ہانی نقشبندی... سعودی صحافی اور ناول نگار وفات پا گئے

ہانی نقشبندی (المشہد چینل)
ہانی نقشبندی (المشہد چینل)
TT
TT

ہانی نقشبندی... سعودی صحافی اور ناول نگار وفات پا گئے

ہانی نقشبندی (المشہد چینل)
ہانی نقشبندی (المشہد چینل)

سعودی صحافی اور ناول نگار ہانی نقشبندی 6 دہائیوں تک زندہ رہنے کے بعد انتقال کر گئے، جنہوں نے اپنی زندگی کا زیادہ تر حصہ شاہی دربار، ناولوں کے اوراق اور پروگرام اسٹوڈیوز کے بیک سٹیج میں گزارے۔ وہ شخصیت جو سب کی دوست تھی ان کے بڑے دل نے بغیر کسی شور کے اور رکنے کا انتخاب کیا اور بلا کسی تمہید کے وہ چلے گئے۔

سعودی وزیر اطلاعات سلمان الدوسری نے "X" پلیٹ فارم پر ایک پوسٹ میں مرحوم کے انتقال پر تعزیت کا اظہار کرتے ہوئے کہا: "میں صحافی پروفیسر ہانی نقشبندی کے اہل خانہ سے دلی تعزیت اور ہمدردی کا اظہار کرتا ہوں - اللہ ان پر رحم فرمائے - جو آج انتقال کر گئے ہیں۔"

اسی طرح "ایس آر ایم جی" کی سی ای او جمانا الراشد نے بھی "X" پلیٹ فارم پر اپنے اکاؤنٹ پر ایک پوسٹ کے ذریعے متوفی کے اہل خانہ سے تعزیت کرتے ہوئے کہا: "میں پروفیسر ہانی نقشبندی کے اہل خانہ سے دلی تعزیت اور ہمدردی کرتی ہوں - خدا ان پر رحم فرمائے - جنہوں نے (المجلہ) میگزین اور (سیدتی) میگزین کے لیے کئی سالوں تک بطور چیف ایڈیٹر کے خدمات سرانجام دیں اور سعودی ریسرچ اینڈ میڈیا گروپ پر ٹھوس اثر ڈالا۔" (...)

پیر-10 ربیع الاول 1445ہجری، 25 ستمبر 2023، شمارہ نمبر[16372]

عنوانات
السعودية
خبريں

نہر سویز میں ڈوبنے والی کشتی کو نکال کر اس مقام کو بحری اور ماحولیاتی اعتبار سے محفوظ بنایا جا رہا ہے

بڑی کشتی "فہد" اپنی بحالی کے بعد (سوئز کینال اتھارٹی)
بڑی کشتی "فہد" اپنی بحالی کے بعد (سوئز کینال اتھارٹی)
TT
TT

نہر سویز میں ڈوبنے والی کشتی کو نکال کر اس مقام کو بحری اور ماحولیاتی اعتبار سے محفوظ بنایا جا رہا ہے

بڑی کشتی "فہد" اپنی بحالی کے بعد (سوئز کینال اتھارٹی)
بڑی کشتی "فہد" اپنی بحالی کے بعد (سوئز کینال اتھارٹی)

سویز کینال اتھارٹی کے سربراہ اسامہ ربیع نے کل منگل کے روز "فہد" نامی  بڑی کشتی کو نکالنے اور ڈوبنے والی جگہ کو "ممکنہ تیل کے اخراج کے حادثہ سے بحری اور ماحولیاتی اعتبار سے محفوظ بنانے کے آپریشن کی کامیابی کا اعلان کیا۔"

اتھارٹی کے سربراہ نے ایک بیان میں یقین دہانی کی کہ نہر سویز میں نیوی گیشن ٹریفک باقاعدگی سے دونوں سمتوں میں چلتی رہی ہیں اور ریسکیو کے کام سے متاثر نہیں ہوئی، جب کہ عرب دنیا کی خبر رساں ایجنسی کی رپورٹ کے مطابق، پیر اور منگل کے دو روز میں نہر سویز سے دونوں سمتوں میں 146 بحری جہاز گزرے، جن پر لدے سامان کا کل وزن 8.4 ملین ٹن تھا۔

اتھارٹی کے سربراہ نے میرین ریسکیو ٹیم اور ریسکیو آپریشن میں حصہ لینے والے مختلف اداروں کے تمام کارکنوں کی کاوشوں کو سراہا، جنہوں نے نہر میں نیوی گیشن ٹریفک کو متاثر کیے بغیر میرین ریسکیو کام کو موثر طریقے سے اور ریکارڈ وقت میں مکمل کرنے کے لیے آپریشن میں شامل ہوئے۔

اتھارٹی کے سربراہ نے وضاحت کی کہ کشتی "فہد" کو اٹھانے اور ہٹانے کے عمل کے لیے کئی طریقہ کار کی ضرورت تھی، جس کا آغاز جائے حادثہ کے سروے سے ہوتا ہے تاکہ کشتی کے ڈوبنے کے مقام کا تعین کیا جا سکے۔ انتباہ اور گائیڈنگ کے ساتھ کشتی کی پوزیشن کو محفوظ بنانا تاکہ یہاں سے گزرنے والے بحری جہازوں کو محفوظ راستہ فراہم ہو سکے اور اس کے بعد ضروری حساب کتاب لگانے کے بعد کشتی کو باہر نکالنے کا کام شروع کر دیا جاتا ہے۔

بدھ-22 محرم الحرام 1445ہجری، 09 اگست 2023، شمارہ نمبر[16325]

عنوانات
مصر
خبريں

ازمیر میں سویڈن کے اعزازی قونصل خانے پر حملے میں ایک ترک خاتون زخمی

ترک شہر ازمیر (آرکائیو تصویر)
ترک شہر ازمیر (آرکائیو تصویر)
TT
TT

ازمیر میں سویڈن کے اعزازی قونصل خانے پر حملے میں ایک ترک خاتون زخمی

ترک شہر ازمیر (آرکائیو تصویر)
ترک شہر ازمیر (آرکائیو تصویر)

منگل کے روز ترکی کے مغربی گورنریٹ ازمیر میں سویڈن کے اعزازی قونصل خانے پر مسلح حملے کے نتیجے میں ایک ترک خاتون اہلکار شدید زخمی ہوگئی ہیں، جیسا کہ فرانسیسی پریس ایجنسی نے مقامی حکام اور میڈیا رپورٹس سے نقل کیا ہے۔

قرآن کریم کو نذر آتش کیے جانے کے بعد سویڈن اور مسلم ممالک کے تعلقات میں کشیدگی دیکھنے میں آ رہی ہے، جو کہ دو افراد کی جانب سے پیر کے روز سٹاک ہوم میں سویڈش پارلیمنٹ کے سامنے قرآن پاک کے ایک نسخے کو نذر آتش کیے جانے کے بعد ہے، جب کہ یہ واقعہ گزشتہ چند ہفتوں میں ایسے ہی واقعات کے بعد ہے جس کی مذمت کی گئی تھی۔

ترکی کے ازمیر گورنریٹ کے دفتر کی جانب سے اعلان کیا گیا ہے کہ ازمیر کے علاقے کوناک میں واقو سویڈن کے اعزازی قونصل خانے پر حملہ ایک "ذہنی طور پر معذور" شخص نے 9:45 GMT پر کیا۔ ایک پرائیویٹ نجی ٹیلی ویژن چینل "این ٹی وی" نے اطلاع دی ہے کہ حملہ سویڈن کے اعزازی قونصل خانے کے سامنے ہوا جس میں ایک زخمی ہونے والی خاتون سفارتی مشن کی سیکریٹری ہیں اور اس کی حالت تشویشناک ہے۔ گورنر کے دفتر کے مطابق، ترک حکام نے حملہ آور کو گرفتار کر لیا ہے اور اس کے پاس سے استعمال ہونے والا اسلحہ برآمد کر کے واقعہ کی تحقیقات کا آغاز کر دیا ہے۔

جب کہ سٹاک ہوم میں سویڈن کی وزارت خارجہ کے میڈیا آفس نے حملے کی تصدیق کرتے ہوئے فرانسیسی پریس ایجنسی کو ای میل میں کہا کہ وہ استنبول میں جنرل قونصلیٹ کے ساتھ "مکمل رابطے میں" ہیں، جس کا ازمیر میں اعزازی قونصلیٹ سے رابطہ تھا۔(...)

بدھ-15 محرم الحرام 1445ہجری، 02 اگست 2023، شمارہ نمبر[16318]

عنوانات
تركيا السويد