نیشنل ویدر سروس کے ڈائریکٹر کین گراہم نے خبردار کیا ہے کہ ایان ایک تاریخی سمندری طوفان ہوگا جس کے بارے میں آنے والے برسوں تک بات کی جائے گی اور گراہم نے مزید کہا کہ کاش میں یہ الفاظ نہ کہتا اور یہ توقعات پورے نہ ہوتے اور یہ فلوریڈا کے کچھ حصوں کے لئے تباہ کن طوفان ہے نہ کہ صرف جنوب مغربی ساحل پر ہی تباہی مچائے گا بلکہ ہر جگہ اس کے اثرات ظاہر ہوں گے۔
اس کے علاوہ امریکن ریڈ کراس اور فیڈرل ایمرجنسی مینجمنٹ نے زور دیا ہے کہ سمندری طوفان کا مقابلہ کرنے کے لئے کافی وسائل موجود ہیں۔
یہ بات اس وقت سامنے آئی ہے جب فلوریڈا کے گورنر رون ڈیسنٹز نے امریکی صدر جو بائیڈن کے ساتھ بات کی اور مشکل دنوں کے بارے میں خبردار کیا اور جن رہائشیوں کو نکالا نہیں جا سکا ہے ان سے انتہائی خطرناک سمندری طوفان سے پناہ گاہ کی طرف جانے مطالبہ کیا ہے اور ڈیسنٹ نے کہا کہ 5,000 فلوریڈا گارڈز اور 2,000 پڑوسی ریاستوں سے اگلے دو دنوں میں سمندری طوفان کے بعد ہونے والی تباہ کاریوں پر قابو پانے کی کوششوں کے لئے متحرک کر دیا گیا ہے۔
ریاست میں 2.5 ملین سے زیادہ لوگوں کو محفوظ مقامات پر منتقل کیا گیا ہے جبکہ طوفان سے متاثر ہونے والے علاقوں میں ہوائی اڈے بند کر دئے گئے ہیں اور اسکولوں کو بھی بند کر دیا گیا ہے اورلینڈو میں ڈزنی لینڈ ریزورٹ نے بھی اعلان کیا ہے کہ وہ بدھ اور جمعرات کو اپنے دروازے بند رکھے گا۔(۔۔۔)
جمعرات 04 ربیع الاول 1444ہجری - 29 ستمبر 2022ء شمارہ نمبر[16011]
