خادم حرمین شریفین شاہ سلمان بن عبدالعزیز نے سعودی عرب کی ان تمام بین الاقوامی کوششوں کی حمایت کی تصدیق کی ہے جن کا مقصد روسی - یوکرینی بحران کے خاتمے کے لئے اس کا سیاسی حل تلاش کرنا ہے اور جان و مال کے تحفظ، علاقائی و بین الاقوامی سلامتی اور استحکام کو برقرار رکھنے کے لیے فوجی آپریشن بند کرنا ہے۔
شاہ سلمان نے زور دیتے ہوئے کہا کہ دنیا جن جنگوں اور تنازعات کا مشاہدہ کر رہی ہے اس پر یہ ضروری ہے کہ عقل و دانش کی آواز پر واپس لوٹا جائے اور لڑائی کو روکنے، عام شہریوں کی حفاظت اور سب کے لیے امن، سلامتی اور ترقی کے مواقع فراہم کرنے کے لیے مذاکرات کرنے اور پرامن حل کے ذرائع فعال کرنے کی ضرورت ہے۔
خادم حرمین شریفین نے وزیر اعظم و ولی عہد شہزادہ محمد بن سلمان بن عبدالعزیز کی موجودگی میں شوریٰ کمیٹی کے آٹھویں اجلاس کے تیسرے سال کی سرگرمیوں کے آغاز کے دوران کہا کہ سعودی عرب مسلح تنازعات کے منفی اثرات اور غذائی سیکورٹی پر اس کے المناک اثرات کو کم کرنے کے لئے اپنے بین الاقوامی شراکت داروں کے ساتھ شانہ بشانہ کام کر رہا ہے۔ انہوں نے نشاندہی کی کہ خوراک اور زرعی تحفظ کے شعبے میں سعودی عرب کی کل امداد 2.8 بلین ڈالر سے تجاوز کر گئی ہے اور سعودی عرب کا شمار بین الاقوامی سطح پر 3 بڑے عطیہ دینے والے ممالک میں ہوتا ہے۔(...)
پیر - 22 ربیع الاول 1444 ہجری - 17 اکتوبر 2022 ء شمارہ نمبر [16029]
