یوکرین کے صدر کے مشیر میخائیلو پوڈولیاک نے ٹویٹر پر کہا ہے کہ ایران یوکرینیوں کے قتل کا ذمہ دار ہے اور اپنے ہی لوگوں پر ظلم کرنے والا ملک اب یورپ کے دل میں بڑی تعداد میں لوگوں کو مارنے کے لئے مہلک ہتھیار فراہم کر رہا ہے اور یہ نامکمل کاروبار اور آمرانہ حکومت کو مراعات دینے کے نتائج ہیں اور یہ ایک ایسا معاملہ ہے جس میں پابندیاں کافی نہیں ہیں۔
یوکرین نے گزشتہ چند ہفتوں میں ایرانی ساختہ شاہد 136 ڈرونز کا استعمال کرتے ہوئے روسی حملوں کی ایک سیریز کی اطلاع دی ہے جبکہ رائٹرز کے مطابق ایران نے روس کو ان طیاروں کی فراہمی سے انکار کیا ہے اور کریملن نے اس معاملے پر کوئی تبصرہ نہیں کیا ہے۔
یوکرائنی ایوانِ صدر کے عہدے دار کیریلو تیموشینکو نے کہا ہے کہ ایک اپارٹمنٹ کی عمارت پر ڈرون کے ذریعے کئے گئے حملے میں ہلاک ہونے والوں کی تعداد تین ہو گئی ہے اور قبل ازیں یوکرین کے وزیر اعظم ڈینس شمیگل نے اعلان کیا تھا کہ کل صبح کئی روسی حملوں نے یوکرائن کے 3 علاقوں میں اہم تنصیبات کو نشانہ بنایا ہے جس میں کیو بھی شامل ہے اور اس کی وجہ سے سیکڑوں قصبوں میں بجلی کٹ گئی ہے۔(۔۔۔)
منگل 23 ربیع الاول 1444ہجری - 18 اکتوبر 2022ء شمارہ نمبر[16030]
