عربي English Türkçe اردو فارسى
Logo
تازہ ترین
خبريں عرب دنیا

کویت کے نائب امیر فتنہ پیدا کرنے والوں کو خبردار کر رہے ہیں

کویتی ولی عہد شیخ مشعل الاحمد الجابر الصباح نے گزشتہ روز قومی اسمبلی میں حاضرین کو خوش آمدید کہا (اے ایف پی)
کویتی ولی عہد شیخ مشعل الاحمد الجابر الصباح نے گزشتہ روز قومی اسمبلی میں حاضرین کو خوش آمدید کہا (اے ایف پی)
TT
TT

کویت کے نائب امیر فتنہ پیدا کرنے والوں کو خبردار کر رہے ہیں

کویتی ولی عہد شیخ مشعل الاحمد الجابر الصباح نے گزشتہ روز قومی اسمبلی میں حاضرین کو خوش آمدید کہا (اے ایف پی)
کویتی ولی عہد شیخ مشعل الاحمد الجابر الصباح نے گزشتہ روز قومی اسمبلی میں حاضرین کو خوش آمدید کہا (اے ایف پی)

کویت کے نائب امیر ولی عہد شہزادہ شیخ مشعل الاحمد الجابر الصباح نے کل (منگل کے روز) نئی قومی اسمبلی کے افتتاح کے موقع پر قانون ساز اتھارٹی کے اراکین پر زور دیا کہ وہ نگران اور قانون ساز کونسل کے کردار کو فعال کریں۔
ملک کے امیر شیخ نواف الاحمد الصباح کی نیابت میں کی گئی اپنی تقریر میں شیخ مشعل الاحمد نے "پارلیمنٹ کے اجلاسوں کو بحث و تکرار اور جھگڑوں میں ضائع نہ کرتے ہوئے جمہوری عمل کو بہتر بنانے پر زور دیا۔" انہوں نے متنبہ کیا کہ "فتنہ ہمیں اندر اور باہر سے گھیر رہا ہے اور ہم پریشان ہیں - بڑے افسوس کے ساتھ - انتہائی معمولی وجوہات کی بنا پر کہ جن پر دانشمندوں کی حکمت سے قابو پایا جا سکتا ہے۔"

بدھ - 24 ربیع الاول 1444 ہجری - 19 اکتوبر 2022ء شمارہ نمبر [16031]
 

سب سے زیادہ پڑھا گیا

 
 
خبريں عرب دنیا

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
  • غزہ: «الشرق الأوسط»
TT
  • غزہ: «الشرق الأوسط»
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]

عنوانات
فلسطين إسرائيل