لیبیا کے لیے امریکی سفیر اور خصوصی ایلچی رچرڈ نورلینڈ نے ترکی کے ساتھ لیبیا کے ملتوی ہونے والے صدارتی اور پارلیمانی انتخابات کی تاریخ پر اتفاق کرنے کے لئے بات چیت کا اعلان کیا ہے۔
نورلینڈ نے تصدیق کی کہ انہوں نے انقرہ میں ترکی کی وزارت خارجہ کے مشرق وسطیٰ اور شمالی افریقہ کے محکمے کے ڈائریکٹر جنرل ڈیزدار کے ساتھ لیبیا میں جلد از جلد انتخابات کے لیے "قابل قبول تاریخ" مقرر کرنے کی کوششوں پر بات چیت کی اور مزید تفصیلات بتائے بغیر اسے انہوں نے "مفید مشاورت" قرار دیا۔
دریں اثنا، لیبیا کے لیے اقوام متحدہ کے سیکریٹری جنرل کے لیبیا کے لئے خصوصی نمائندے عبداللہ باتیلی نے لیبیا کے انتخابات کے انعقاد کی کوششوں پر بات چیت کے لیے "مختلف سیاسی جماعتوں کے ساتھ تحقیقاتی مشاورت" جاری رکھی۔
باتیلی نے منگل کے روز دارالحکومت طرابلس میں ہائیر الیکشن کمیشن کے سربراہ عماد السایح کے ساتھ بات چیت کی، جس میں ان "چیلنجوں اور رکاوٹوں" پر توجہ مرکوز کی گئی جن کا سامنا 24 دسمبر کے انتخابات میں کیا گیا اور "انتخابی عمل میں آگے بڑھنے کے لیے قانونی اور تکنیکی حل تلاش کرنے کے امکان کا جائزہ لیا گیا تاکہ اسے کامیاب کیا جا سکے اور تمام سیاسی جماعتوں کے لیے اسے قابل قبول بنایا جا سکے۔"
اس کے علاوہ "انتخابی معاونت کے میدان میں کام کرنے والے اقوام متحدہ کے اداروں اور اتھارٹیز کے ذریعے کمیشن کو فراہم کی جانے والی بین الاقوامی تکنیکی مدد کے ذرائع پر بات چیت کی گئی اور خاص طور پر اقوام متحدہ کے ترقیاتی پروگرام پر" (...)
جمعرات - 25 ربیع الاول 1444 ہجری - 20 اکتوبر 2022ء شمارہ نمبر [16032]