ولی عہد اور وزیر اعظم شہزادہ محمد بن سلمان بن عبدالعزیز کی زیر صدارت سعودی وزراء کی کابینہ نے گزشتہ دنوں مملکت کی خارجہ پالیسی کے مجموعی کام کا جائزہ لیا، جس کا مقصد علاقائی اور بین الاقوامی تنظیموں کے ذریعے کثیر الجہتی کوششوں کو تقویت دینا تھا؛ اس سے مشترکہ چیلنجوں سے نمٹنے سمیت خاص طور پر انسانی ہمدردی، سلامتی اور ماحولیاتی تحفظ کے شعبوں میں مدد ملے گی۔
وزراء کی کابینہ کا یہ اجلاس "منگل" کے روز ریاض کے الیمامہ پیلس میں منعقد ہوا، اس دوران ولی عہد نے الجزائر کے صدر کو کی گئی فون کال کے بارے میں کونسل کو آگاہ کیا جس میں دونوں برادر ممالک کے مابین مشترکہ تعاون کے فروغ کی راہوں کا جائزہ بھی لیا گیا۔
دوسری جانب، کابینہ نے آئندہ نومبر میں عرب جمہوریہ مصر میں "گرین مڈل ایسٹ انیشیٹو سمٹ" اور "گرین سعودیہ انیشیٹو فورم" کے دوسرے ایڈیشن کے آغاز کا اعلان کیا، جو کہ اقوام متحدہ کی کانفرنس برائے موسمیاتی تبدیلی کے انعقاد کے وقت میں ہے، یہ کانفرنس خطے اور دنیا میں ماحولیاتی اور موسمیاتی چیلنجوں کا مقابلہ کرنے کے لیے اجتماعی مشترکہ کارروائی کی حمایت کے لیے مملکت کے عزم کی عکاسی کرتی ہے۔(...)
بدھ - یکم ربیع الثانی 1444 ہجری - 26 اکتوبر 2022ء شمارہ نمبر [16038]
