ایران میں لڑکیوں کے سکولوں میں زہر سے خوف و ہراس پھیل گیا

گزشتہ ماہ ایک سکول میں زہر کی وجہ سے لڑکیاں قم کے ایک ہسپتال میں زیر علاج ہیں (ارنا)

ایران میں اسکول کی طالبات کو زہر دینے(یا زہریلی گیس میں سانس لینے) کے پہلے واقعہ کے سامنے آنے کے تین ماہ بعد ایرانیوں کو اس رجحان کے پھیلنے کا خدشہ ہے، جب کہ ذمہ دار ادارے اسکولوں میں دم گھٹنے کے واقعات کا سبب بننے والے اسباب یا زہریلے مواد کی قسم بتانے سے انکاری ہیں۔
گزشتہ روز "ٹوئٹر" پر گردش کرنے والے ایک ویڈیو کلپ میں اسکول کی طالبات کے اہل خانہ میں خوف و ہراس کی کیفیت کو دیکھا گیا، جب کہ ایمبولینسیں انہیں ہسپتال پہنچانے کے لیے کام کر رہی تھیں۔ اس ویڈیو پر تبصرہ کرتے ہوئے آبزرویٹری آف "1500 فوٹوگرافس" نے کہا کہ اسکول کی درجنوں طالبات سخت زہر سے متاثر ہوئی ہیں۔
"پاسداران انقلاب" کے ماتحت "تسنیم" ایجنسی نے ویڈیو کی صداقت کی یقین دہانی کرتے ہوئے اپنی ایک رپورٹ میں کہا کہ گورنریٹ تہران میں واقع پردیس شہر کے لڑکیوں کے اسکول خیام کی 35 طالبات کو "ہسپتال منتقل کردیا گیا ہے۔" فرانسیسی پریس ایجنسی کے مطابق نامعلوم گیس میں سانس لینے کے بعد ان طالبات میں سے کسی کی حالت بھی تشویشناک نہیں تھی۔ (...)

بدھ - 8 شعبان 1444 ہجری - 01 مارچ 2023ء شمارہ نمبر [16164]