سوڈان میں "فوری امدادی فورسز" کے نائب سربراہ عبد الرحیم دقلو نے گزشتہ روز خرطوم میں اپنے حامیوں کے ایک اجتماع سے خطاب کرتے ہوئے "فریم ورک معاہدے" کی رو سے اقتدار عام شہریوں کے حوالے کرنے کی ضرورت پر زور دیا۔
"فوری امدادی فورسز" کے رہنما محمد حمدان دقلو "حمیدتی" کے بھائی عبد الرحیم کے خطاب سے ایسا محسوس ہوا کہ وہ براہ راست ان فوجی کمانڈروں کی طرف اشارہ کر رہے ہیں جو 25 اکتوبر 2021 سے ملکی اقتدار پر قابض ہیں۔ جیسا کہ انہوں نے کہا: "اقتدار میں موجود ہمارے بھائیوں کے لیے ہمارا پیغام ہے کہ: بغیر کسی حیل و حجت کے اقتدار عوام کے حوالے کریں۔" انہوں نے مزید کہا: آج سے ہم کسی نوجوان مظاہرین کے قتل یا سیاستدانوں کی گرفتاری کی اجازت نہیں دیں گے۔ ہمارے سینوں میں بہت کچھ ہے... اور ہم بہت خاموش رہے ہیں، (جو کچھ ہو رہا ہے) ہم میں کوئی وجہ نہیں بننا چاہتے لیکن ہم ان بنیادی اصولوں سے پیچھے نہیں ہٹیں گے جو سوڈانی عوام کو متحد کرتے ہیں اور ان سے انصاف کرتے ہیں۔" (...)
اتوار - 12 شعبان 1444 ہجری - 05 مارچ 2023ء شمارہ نمبر (16168)
