کویت کے ولی عہد شیخ مشعل الاحمد الصباح، نے امیر کویت، جو ایک نجی دورے پر ملک سے باہر اٹلی گئے ہیں، کے نائب کی حیثیت سے ایک امیری حکم نامہ جاری کیا،جس میں شیخ احمد نواف الاحمد الصباح کو وزیر اعظم مقرر کیا گیا ہے اور انہیں نئی کابینہ کے ارکان نامزد کرنے کی ذمہ داری سونپی گئی ہے۔
23 جنوری کو وزیر اعظم شیخ احمد نواف الاحمد الصباح نے مالی امدادی پیکچ کے معاہدے کے حوالے سے قومی اسمبلی "پارلیمنٹ" کے ساتھ تنازعہ کے بعد ولی عہد شہزادہ شیخ مشعل الاحمد الصباح کو اپنی حکومت کا استعفیٰ پیش کیا تھا، جس کے ذریعے اراکین حکومت پر دباؤ ڈالنا چاہتے ہیں کہ وہ قرضوں کو معاف کرنے کے بدلے اس امدادی پیکچ کو منظور کرے۔
وزیراعظم کا استعفیٰ اس وقت سامنے آیا جب حکومت کی جانب سے فنانس کمیٹی کی رپورٹس کو بغیر کسی معاہدے کے کمیٹیوں کو واپس کرتے ہوئے اپنے موقف پر اصرار کیا گیا، اس کے علاوہ وزیر خزانہ عبدالوہاب الرشید اور وزیر مملکت برائے کابینہ امور براک الشیتان سے دو تشریحات واپس لینے کی درخواست کی گئی۔ 26 جنوری کو ایک امیری حکم نامہ جاری کیا گیا کہ شیخ احمد النوف اور ان کی حکومت کے ارکان کا استعفیٰ قبول کر لیا جائے اور انہیں قائم مقام کی حیثیت سے ذمہ داری سونپ دی جائے۔ (...)
پیر - 13 شعبان 1444ہجری - 06 مارچ 2023ء شمارہ نمبر [16169]
