عربي English Türkçe اردو فارسى
Logo
تازہ ترین
خبريں

پوٹن اور شی جن پنگ کی سربراہی ملاقات... شراکت داری کو گہرا کرنے پر اتفاق

روسی اور چینی صدور نے سعودی - ایرانی تعلقات کو معمول پر لانے کو سراہا

زیلنسکی اور کشیدا کل کیف میں ... اور پوٹن اور شی جن پنگ کل ماسکو میں معاہدوں پر دستخط کی تقریب کے دوران (رائٹر)
زیلنسکی اور کشیدا کل کیف میں ... اور پوٹن اور شی جن پنگ کل ماسکو میں معاہدوں پر دستخط کی تقریب کے دوران (رائٹر)
    ماسکو - کیف: "الشرق الاوسط"
TT
TT

پوٹن اور شی جن پنگ کی سربراہی ملاقات... شراکت داری کو گہرا کرنے پر اتفاق

زیلنسکی اور کشیدا کل کیف میں ... اور پوٹن اور شی جن پنگ کل ماسکو میں معاہدوں پر دستخط کی تقریب کے دوران (رائٹر)
زیلنسکی اور کشیدا کل کیف میں ... اور پوٹن اور شی جن پنگ کل ماسکو میں معاہدوں پر دستخط کی تقریب کے دوران (رائٹر)

کل منگل کے روز جب سب کی نظریں کریملن میں روسی صدر ولادیمیر پوٹن اور چینی صدر شی جن پنگ کی سربراہی ملاقات پر تھیں، اسی دوران جاپانی وزیر اعظم فومیو کشیدا یوکرین کے صدر ولادیمیر زیلنسکی سے ملاقات کے لیے کیف پہنچے، جس سے اشارہ ملتا ہے کہ بین الاقوامی سطح پر دو کیمپوں کے خطرات بڑھ رہے ہیں۔
چینی صدر نے کل تصدیق کی کہ انہوں نے اپنے روسی ہم منصب کے ساتھ ایک معاہدے پر دستخط کیے ہیں جس کا مقصد دونوں ممالک کے مابین تعلقات کو تعاون کے "نئے دور" میں داخل کرنا ہے۔ شی نے پوٹن کی موجودگی میں کہا کہ "ہم نے اسٹریٹجک شراکت داری کو گہرا کرنے اور دوطرفہ تعلقات کو ایک نئے دور میں داخل کرنے کے اعلان پر دستخط کیے ہیں۔" دونوں رہنماؤں نے ایک مشترکہ بیان میں مزید کہا کہ ان کے ممالک کے درمیان تعلقات اب تک کی بلند ترین سطح پر پہنچ چکے ہیں، لیکن ان کا رخ کسی دوسرے ملک کے خلاف نہیں ہے۔
دونوں صدور نے 2030 تک تجارتی اور اقتصادی تعاون کے بڑھانے پر اتفاق کیا اور پوٹن نے تصدیق کی کہ چین کو گیس کی اضافی ترسیل پر اتفاق کیا گیا ہے اور دونوں ممالک سڑکوں اور پلوں کی تعمیر کے ذریعے اپنے درمیان ٹرانسپورٹ روابط کو بڑھانے کا ارادہ رکھتے ہیں۔ (...)

بدھ - 29 شعبان 1444 ہجری - 22 مارچ 2023ء شمارہ نمبر [16185]
 

سب سے زیادہ پڑھا گیا

 
 
خبريں

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]

عنوانات
أستراليا لبنان