کل الجزائر کے ایوان صدر نے ایک بیان میں اعلان کیا کہ صدر عبدالمجید تبون نے اپنے فرانسیسی ہم منصب ایمانوئل میکرون کے ساتھ کل ٹیلی فونک رابطے کے دوران الجزائر کی اپوزیشن رہنما امیرہ بوراوی کے فرار ہونے کے معاملے پر بات کی، اور ان دونوں کے رابطے نے "اس مسئلے کے بارے میں بہت سارے ابہام کو دور کیا، جن کے سبب دو طرفہ تعلقات میں دراڑ پیدا ہوئی تھی۔" اسی طرح الجزائر کے صدر نے فرانس میں اپنے ملک کے سفیر کی جلد واپسی کا بھی اعلان کیا جو کہ الجزائر کی جانب سے تیونس کے راستے بوراوی کے خفیہ انخلاء میں فرانس کے سفارتی عملے کے ملوث ہونے کا الزام عائد کرنے اور پھر دونوں ممالک کے درمیان سفارتی تنازعہ پیدا ہونے کے بعد ہے۔
الجزائر کی صدارت نے بتایا کہ تبون نے 6 فروری 2023 کو میکرون کے ساتھ "تیونس میں فرانسیسی قونصلر خدمات کے ذریعہ الجزائر-فرانس دوہری شہریت کے حامل شہری کے انخلاء اور ملک بدر کرنے کے طریقہ کار" پر تبادلہ خیال کیا۔ اور اشارہ کیا کہ انہوں نے "دونوں ممالک کی انتظامیہ کے درمیان رابطے کے ذرائع کو مضبوط بنانے پر اتفاق کیا، تاکہ ایسے معاملات دوبارہ نہ ہوں۔" (...)
ہفتہ - 3 رمضان 1444 ہجری - 25 مارچ 2023ء شمارہ نمبر [16188]
