سوڈان میں خود مختاری کونسل کے سربراہ اور فوج کے کمانڈر لیفٹیننٹ جنرل عبدالفتاح البرہان نے اپنی افواج سے مطالبہ کیا کہ وہ "آمرانہ حکومتوں کی حمایت بند کریں، جیسا کہ انہوں نے حالیہ دہائیوں میں کیا ہے۔" البرہان نے کہا کہ، "آپ کی مسلح افواج اپنی تاریخ میں مختلف تجربات سے گزری ہیں، اور کئی مواقع پر انہوں نے آمرانہ حکومتوں کی حمایت کی، ہم چاہتے ہیں کہ یہ معاملہ بند ہو جائے۔"
البرہان نے یہ مطالبہ "فوجی اور سیکورٹی اصلاحات" کانفرنس کے افتتاحی موقع پر اپنے خطاب کے دوران کیا، جو کہ 5 دسمبر کو فوج اور عام شہریوں کے درمیان طے پانے والے "فریم ورک معاہدے" میں ایک بنیادی شق کے طور پر درج ہے، جس کے تحت سیاسی عمل کے ذریعے اقتدار عام شہریوں کی منتقل کیا جائے گا اور فوج واپس اپنی بیرکوں میں چلی جائے گی۔
البرہان نے یقین دہانی کی کہ مسلح افواج "فریم ورک معاہدے" اور جمہوری منتقلی کے ساتھ آگے بڑھنے کا عزم رکھتی ہے۔ انہوں نے وضاحت کی کہ سیکورٹی اور فوجی اصلاحات ایک پیچیدہ عمل ہے جسے آسانی سے نظرانداز نہیں کیا جا سکتا، اور اسے سیاسی میدانوں میں شامل کیے بغیر پیشہ ورانہ مسلح افواج کی تیاری کے لیے صحیح بنیاد رکھنے کی ضرورت ہے۔ (...)
پیر - 5 رمضان 1444 ہجری - 27 مارچ 2023ء شمارہ نمبر [16190]
