سعودی ولی عہد و وزیراعظم شہزادہ محمد بن سلمان بن عبدالعزیز اور چینی صدر شی جن پنگ نے ٹیلی فونک رابطے کے دوران ریاض اور بیجنگ کے درمیان اسٹریٹجک تعلقات کی اہمیت پر زور دیا۔
شہزادہ محمد بن سلمان کی جانب سے چینی صدر شی جن پنگ کے ساتھ ہونے والے ٹیلی فونک رابطے کے دوران دونوں ممالک کے درمیان شراکت داری اور مشترکہ تعاون کی کوششوں کے پہلوؤں کا جائزہ لیا گیا، تاکہ دونوں ممالک کے درمیان مختلف شعبوں میں تعاون کو فروغ دیا جا سکے۔ سعودی ولی عہد نے مملکت اور ایران کے درمیان اچھے ہمسائیگی تعلقات کو فروغ دینے کی کوششوں کی حمایت کرنے کے چینی اقدام پر اپنے ملک کی طرف سے ستائش کی اور چینی صدر نے خلیج تعاون کونسل کے ممالک اور مشرق وسطیٰ کے ممالک کے ساتھ اپنے ملک کے تعلقات کو فروغ دینے میں سعودی عرب کے کردار کی تعریف کی۔
چین کے سینٹرل ٹیلی ویژن نے کہا کہ صدر شی نے سعودی ولی عہد کے ساتھ فون پر بات چیت کی، جس میں ریاض اور تہران کے درمیان بات چیت کو جاری رکھنے کی حمایت سمیت متعدد امور پر وسیع پیمانے پر زیر غور آئے۔ یاد رہے کہ صدر شی نے ایران اور سعودی عرب کے درمیان سفارتی تعلقات بحال کرنے کے معاہدے میں ثالثی کا کردار ادا کیا۔ (...)
بدھ - 7 رمضان 1444 ہجری - 29 مارچ 2023ء شمارہ نمبر [16192]
