ایران نے "پاسداران" کے ہلاک شدگان کو الوداع کیا... اور اسرائیل دمشق پر بمباری جاری رکھے ہوئے ہے

واشنگٹن نے "داعش" کے ایک رہنما کو ہلاک کر دیا... اور پیرس 3 شامی اہلکاروں پر مقدمہ چلائے گا

"پاسداران انقلاب" کے کمانڈر حسین سلامی جنازے میں شرکت کے دوران (اے پی)
"پاسداران انقلاب" کے کمانڈر حسین سلامی جنازے میں شرکت کے دوران (اے پی)
TT

ایران نے "پاسداران" کے ہلاک شدگان کو الوداع کیا... اور اسرائیل دمشق پر بمباری جاری رکھے ہوئے ہے

"پاسداران انقلاب" کے کمانڈر حسین سلامی جنازے میں شرکت کے دوران (اے پی)
"پاسداران انقلاب" کے کمانڈر حسین سلامی جنازے میں شرکت کے دوران (اے پی)

کل تہران نے 31 مارچ کو دمشق پر اسرائیلی حملے میں ہلاک ہونے والے "پاسداران انقلاب" کے دو افسروں کی آخری رسومات ادا کیں۔ جو کہ ایران کی جانب سے اس کا جواب دینے کی دھمکیوں اور حکومت کے دو اعلیٰ عہدیداروں کا شام میں ایرانی اثر و رسوخ، کردار اور موجودگی برقرار رکھنے کے عزم کے اعلان کے درمیان ہے۔
میلاد حیدری اور مقداد مہقانی کی ہلاکت کے چار دن بعد سوگواروں نے تہران کے ایک چوک میں "اسرائیل مردہ باد" کے نعرے لگائے۔ وزارت خارجہ کے ترجمان ناصر کنعانی کے خبردار کیے جانے کے بعد کہ تہران "جواب دینے کا حق محفوظ رکھتا ہے"، "پاسداران انقلاب" کے ترجمان رمضان شریف نے کہا کہ "ہم دونوں شہیدوں کے خون کا بدلہ لیں گے۔" دریں اثنا، "پاسداران" سے وابستہ "تسنیم" ایجنسی نے وزارت دفاع کے ایک اہلکار سے نقل کیا کہ تہران "فضائی دفاع کے میدان میں شام کی مدد کے لیے پرعزم ہے۔" (...)

بدھ - 14 رمضان 1444 ہجری- 05 اپریل 2023ء شمارہ نمبر [16199]
 



آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
TT

آسٹریلیا نے لبنان میں اسرائیلی حملے میں اپنے 2 شہریوں کی ہلاکت کی تصدیق کر دی ہے۔

اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)
اسرائیل کی سرحد پار جاری کشیدگی کے دوران اسرائیلی بمباری کے بعد جنوبی لبنان میں دھواں اٹھ رہا ہے (اے ایف پی)

آسٹریلیا نے آج جمعرات کے روز تصدیق کی کہ اس کے دو شہری جنوبی لبنان کو نشانہ بنانے والے اسرائیلی فضائی حملے میں مارے گئے ہیں۔ اس نے نشاندہی کی کہ وہ "حزب اللہ" کے ان دعوں کی تحقیقات کر رہا ہے کہ ان میں سے ایک کا تعلق مسلح گروپ سے تھا۔

آسٹریلیا کے قائم مقام وزیر خارجہ مارک ڈریفس نے ایک پریس کانفرنس میں کہا: "ہم اس خاص شخص سے متعلق تحقیقات جاری رکھیں گے جس کے بارے میں حزب اللہ نے دعویٰ کیا ہے کہ وہ اس سے منسلک تھا۔"

انہوں نے مزید کہا: "حزب اللہ نے اعلان کیا ہے کہ یہ آسٹریلوی اس کے جنگجوؤں میں سے ایک ہے، جس پر ہماری تحقیقات جاری ہیں۔"

ڈریفس نے نشاندہی کی کہ "حزب اللہ آسٹریلیا میں درج شدہ ایک دہشت گرد تنظیم ہے،" اور کسی بھی آسڑیلوی شہری کے لیے اسے مالی مدد فراہم کرنا یا اس کی صفوں میں شامل ہو کر لڑنا جرم شمار پوتا ہے۔

خیال رہے کہ یہ اسرائیلی حملہ منگل کی شام دیر گئے ہوا جس میں بنت جبیل قصبے میں ایک گھر کو نشانہ بنایا گیا، جب کہ اس قصبے میں ایرانی حمایت یافتہ "حزب اللہ" گروپ کو وسیع سپورٹ حاصل ہے۔

ڈریفس نے کہا کہ آسٹریلوی حکومت نے اس حملے کے بارے میں اسرائیل سے رابطہ کیا تھا، لیکن انہوں نے اس دوران ہونے والی بات چیت کا ظاہر کرنے سے انکار کر دیا۔

انہوں نے لبنان میں آسٹریلوی باشندوں پر زور دیا کہ وہ ملک چھوڑ دیں کیونکہ ابھی بھی تجارتی پروازوں کی آپشن موجود ہے۔

یاد رہے کہ اکتوبر میں غزہ میں اسرائیل اور تحریک "حماس" کے مابین جنگ شروع ہونے کے بعد سے "حزب اللہ" لبنان کی جنوبی سرحد کے پار اسرائیل کے ساتھ تقریباً روزانہ کی بنیاد پر فائرنگ کا تبادلہ کرتی ہے۔

جمعرات-15 جمادى الآخر 1445ہجری، 28 دسمبر 2023، شمارہ نمبر[16466]