سابق فرانسیسی وزیر ثقافت اور 2013 سے عرب ورلڈ انسٹی ٹیوٹ کے صدر جیک لینگ نے سعودی عرب میں ہونے والی ترقی کی تعریف کی۔ انسٹی ٹیوٹ کے بطور صدر چوتھی مدت کے لیے امیدوار، لینگ خود کو اس عوامی ثقافتی کے لیے سب سے موزوں ترین سربراہ خیال کرتے ہیں۔
لینگ نے "الشرق الاوسط" کو انٹرویو دیتے ہوئے کہا: "سعودی عرب کے ساتھ ہمارے بہت اچھے تعلقات ہیں اور میں (العلا) پروجیکٹ کے بارے میں بارہ سال سے بھی زیادہ عرصے سے جانتا ہوں جب یہ اپنے ابتدائی مراحل میں تھا، اور میں نے تب اس منصوبے کی تعریف کی تھی۔ اب برسوں بعد جب مجھے مشاورتی کونسل میں شرکت کے لیے کہا گیا تو مجھے اس پر خوشی ہوئی، مجھے آج بھی سعودی ولی عہد شہزادہ محمد بن سلمان کے الفاظ یاد ہیں جو انہوں نے اسی علاقے میں منعقدہ ایک تقریب کے موقع پر کہے تھے اور میری حمایت پر انہوں نے میرا شکریہ ادا کیا تھا۔ میں یہاں اس بات کی یقین دہانی کرنا چاہوں گا کہ میں اس ملک میں ہونے والی حیرت انگیز اور تیز رفتار ترقی، یہاں موجود روایتی و عصری ثقافت کے تمام مظاہر اور اس کے شاندار باصلاحیت فنکاروں کی تعریف کرتا ہوں۔" (...)
بدھ - 14 رمضان 1444 ہجری- 05 اپریل 2023ء شمارہ نمبر [16199]
