ذرائع نے "الشرق الاوسط" کو انکشاف کیا ہے کہ سعودی وزیر خارجہ شہزادہ فیصل بن فرحان اور ایرانی وزیر خارجہ حسین امیر عبداللہیان باہمی تعلقات کو بحال کرنے کے لیے گذشتہ ماہ ہونے والے معاہدے کو فعال بناتے ہوئے کل بیجنگ میں ملاقات کریں گے۔
ذرائع نے وضاحت کی کہ بیجنگ ملاقات سے قبل سعودی وزیر خارجہ اور ان کے ایرانی ہم منصب کے درمیان تین بار رابطے ہوئے جن میں معاہدے پر عملدرآمد سمیت سابقہ معاہدوں کو فعال کرنے کے لیے اگلے اقدامات پر بات چیت کی گئی۔ ذرائع نے نشاندہی کی کہ سعودی اور ایرانی وزرائے خارجہ کے درمیان ملاقات کے لیے چین کو بطور جگہ منتخب کرنا "اس معاہدے تک رسائی اور دونوں ممالک کے درمیان رابطے کو آسان بنانے میں بیجنگ کے وسیع مثبت کردار کے ضمن میں ہے۔"
یاد رہے کہ سعودی عرب اور ایران نے چینی سرپرستی میں 7 سال قبل منقطع ہونے والے اپنے سفارتی تعلقات بحال کرنے پر اتفاق کیا تھا، جس کے بعد دونوں ممالک اور چین نے 10 مارچ کو ایک مشترکہ بیان میں اعلان کیا کہ معاہدے پر 60 دن کے اندر عمل درآمد ہو جائے گا۔ (...)
بدھ - 14 رمضان 1444 ہجری- 05 اپریل 2023ء شمارہ نمبر [16199]
