فرانسیسی پریس ایجنسی کے مطابق اسپین کے دوسرے سب سے بڑے شہر میں آگ سے بچنے کے لیے ایک تجرباتی منصوبے کے طور پر بارسلونا کے ایک نظارے والے قدرتی پارک میں تقریبا 300 بھیڑ بکریاں آتش گیر گھاس میں چر رہی ہیں۔
کہا گیا ہے کہ مویشی صبح نو بجے کے قریب کولسیرولا قدرتی پارک کے دامن میں چرنے کے لیے نکلتے ہیں، جو شہر کا سب سے بڑا پارک ہے اور یہاں کے مکین اپنے کتوں کے ساتھ چہل قدمی ا ورزش کے لیے اکثر آتے ہیں۔ چرواہا دانيال سانچیز اپنے موبائل پر دوبارہ بات کرنے سے قبل ریوڑ کو کیٹلانی زبان میں ہدایت دیتا ہے۔ جبکہ ریوڑ پارک کے پودوں کے احاطہ کے نچلے حصے کو چرتا ہے، جسے خشک سالی کا سامنا ہے جس کی شدت میں روز بروز اضافہ ہوتا جا رہا ہے۔ سانچیز کے مویشی 16 لاکھ کی آبادی والے بارسلونا میں دہائیوں میں اس طرح چرنے والا پہلا ریوڑ ہے۔ ماہر حیاتیات فیران بونیہ، وہ اس منصوبے کے ذمہ دار ہیں، جو اپریل میں شروع ہوا اور جون تک چلے گا۔ "یہ منصوبہ آگ کے خطرے سے دوچار اس علاقے کے آس پاس پائی جانے والی بڑی تشویش سے پیدا ہوا ہے۔"
جمعرات 25 شوال المعظم 1443 ہجری - 26 مئى 2022ء شمارہ نمبر[15885]
