تل ابیب کے باخبر ذرائع نے انکشاف کیا ہے کہ اسرائیل اور لبنان کے درمیان سمندری سرحدوں کی حد بندی کے لیے مذاکرات میں پیش رفت ہوئی ہے اور امریکی ثالث آموس ہوچسٹین کی طرف سے بیان کردہ معاہدے میں "قانا کنواں صرف لبنان کے لیے اور کاریش کنواں صرف اسرائیل کے لیے،" کا اصول طے کیا گیا ہے۔ ذرائع نے تصدیق کی کہ لبنان کے سیاسی رہنماؤں کی اکثریت حزب اللہ اور امل کے علاوہ اس معاہدے کی حمایت کرتی ہے، اس لیے چاروں ڈرونز کو اسرائیلی اقتصادی زون کی جانب چھوڑا گیا، جو فضا میں ہی تباہ کر دیئے گئے۔
معاہدے کے مسودے میں کہا گیا ہے کہ تنازعہ 860 مربع کلومیٹر کے رقبے تک محدود ہے نہ کہ 2,350 مربع کلومیٹر تک، جیسا کہ لبنان کا مطالبہ تھا۔ لیکن امریکی اسی پر یقین کرتے ہیں جو اسرائیل اس بارے میں کہتا ہے، کیونکہ لبنان نے خود اقوام متحدہ کو ایک سرکاری دستاویز پیش کی جس میں یہ تعداد بتائی گئی تھی۔
اسرائیل نے لبنان کو اس رقبے کا 58 فیصد دینے پر رضامندی ظاہر کی تھی، جس پر امریکی ثالث نے اسے کچھ مزید بڑھانے کا مشورہ دیا۔ اسرائیلی ذرائع کے مطابق لبنان نے اتفاق کیا اور اسرائیلی مؤقف برقرار رہا "جس میں تاخیر ہوئی، کیونکہ تل ابیب کو اس بات کی ضمانت درکار ہے کہ لبنان کا موقف (حزب اللہ) اور (امل) کے لیے پابند ہوگا تاکہ وہ اسرائیلی کنوؤں پر ڈرون نہ بھیجیں۔"
جمعہ - 9 ذی الحجہ 1443 ہجری - 08 جولائی 2022ء، شمارہ نمبر [15928]
