سوئس بینک "یو بی ایس" کی طرف سے "کریڈٹ سوئس" کو خریدنے کا معاہدہ، مارکیٹوں کے گرنے کے خدشات کو دور کرنے میں کامیاب ہوگیا ہے، تاہم بڑھتے ہوئے عالمی بینکنگ بحران کے بارے میں تشویش ابھی تک برقرار ہے۔ خاص طور پر اتوار کے روز چھ بڑے مرکزی بینکوں کے اعلان کی روشنی میں مارکیٹوں کو یقین دلانے کے لیے ایک مربوط اقدام کے تحت لین دین کیا جا رہا ہے، جب کہ سب کی نظریں ابھی بھی امریکی فیڈرل ریزرو بینک پر لگی ہوئی ہیں کہ وہ شرح سود کے حوالے سے کیا قدم اٹھائے گا۔
اس غیر معمولی اقدام کا مقصد سوئٹزر لینڈ کے سب سے بڑے بینک "یو بی ایس" کا اپنے مدمقابل "کریڈٹ سوئس" کو حاصل کرنا سوئس حکومت کے تعاون سے بینکنگ سسٹم پر اعتماد بحال کرنے کے لیے ہے۔
برطانیہ، کینیڈا، یورپ، جاپان اور سوئٹزر لینڈ کے مرکزی بینکوں اور یو ایس فیڈرل ریزرو بینک نے "بارٹر لائنز" کو مضبوط کرنے کا فیصلہ کیا ہے، یہ وہ طریقہ کار ہیں جو غیر ملکی مرکزی بینکوں کو ڈالر تک آسان رسائی فراہم کرتے ہیں اور اس کے ذریعے کام کی رفتار میں اضافہ کرتے ہیں۔ ایک بیان میں کہا گیا ہے کہ "یہ اقدامات، جو اب تک ہفتہ وار بنیادوں پر کیے گئے ہیں، 20 مارچ 2023 بروز پیر سے روزانہ کی بنیاد پر ہو جائیں گے، اور یہ کم از کم اپریل کے آخر تک اس شرح پر قائم رہیں گے۔" (...)
منگل - 29 شعبان 1444 ہجری - 21 مارچ 2023ء شمارہ نمبر [16184]
