اسرائیل کا غزہ کی پٹی میں کئی ماہ تک جنگ جاری رکھنے کے اصرار کی تصدیق کرنے والے سیاسی اور عسکری بیانات سے قطع نظر دیگر فریق اس بات کی تصدیق کرتے ہیں کہ جنگ کے لیے امریکی "روڈ میپ" ہی نافذ العمل ہوگا۔ جس کا خلاصہ یہ ہے کہ اس مہینے کے آخر تک تباہ کن بمباری اور زمینی حملوں کے ساتھ شدید فوجی کارروائیوں کو ختم کیا جائے اور آنے والے سال کے دوران دیگر طریقوں سے جنگ جاری رکھی جائے۔
غزہ کی پٹی کے شمال، جنوب اور وسطی علاقوں کے محلوں میں گھر گھر چھاپہ مارنے والی قابض اسرائیلی افواج کی لیکس کے مطابق انہیں زمینی کارروائی میں پیش قدمی کرتے ہوئے شدید رکاوٹوں کا سامنا ہے، کیونکہ "حماس" اور دیگر فلسطینی تنظیموں نے لاکھوں بارودی سرنگیں اور مقامی سطح پر تیار کردہ دھماکہ خیز آلات نصب کر رکھے ہیں، جیسے ہی اسرائیلی فوجیں قریب آتی ہیں تو یہ دھماکہ سے پھٹ جاتے ہیں جس سے کئی جانی نقصان ہوتے ہیں۔
عبرانی میڈیا کی طرف سے شائع ہونے والی عسکری رپورٹس کے مطابق، گزشتہ اکتوبر کے آخر میں زمینی حملے کے بعد سے غزہ میں داخل ہونے والے اسرائیلی فوجیوں کی تعداد تقریباً ایک لاکھ تک پہنچ چکی ہے، جس میں باقاعدہ اور ریزرو فوج دونوں کے فوجی افسران اور عام فوجی دونوں شامل ہیں، اور ریزرو فورسز کی بہت سے ٹیموں کو تبدیل کیا جا رہا ہے کیونکہ ہلاکتوں اور زخمیوں کی اکثریت کا تعلق انہی سے ہے۔
"یدیعوتھ احرونوتھ" اخبار سے منسلک Ynet نیوز سائٹ پر عسکری امور پر تبصرہ نگار رون بین یشائی کہتے ہیں کہ ہلاکتوں سے متعلق پریشان کن صورت حال ہے، چنانچہ فوجی آپریشن کے نفاذ کے ساتھ ساتھ اس کی اصلاح کے لیے فوری تحقیقات اور تربیت کی ضرورت ہے۔ جیسا کہ متاثرین میں ایک بڑی تعداد ریزرو فورسز کی ہے جنہیں خاص طور پر آنکھوں پر چوٹیں لگی ہیں اور یہ ان کا خصوصی حفاظتی چشمے نہ پہننے کے سبب ہے۔ (...)
منگل-28 جمادى الأول 1445ہجری، 12 دسمبر 2023، شمارہ نمبر[16450]
