ایرانی پارلیمنٹ میں قومی سلامتی اور خارجہ پالیسی کمیٹی کے سربراہ وحید جلال زادہ نے سرکاری خبر رساں ایجنسی رانا کو بتایا ہے کہ بڑے ممالک نے ایران کے سامنے ایک عبوری معاہدے کی تجویز رکھی ہے اور اس بات کی طرف بھی اشارہ کیا ہے کہ تہران نے اس تجویز کو نہ تو مسترد کیا ہے اور نہ ہی اس سے اتفاق کیا ہے بلکہ وہ زیر مطالعہ ہے۔

یہ اعلان ایرانی وزارت خارجہ کے ترجمان سعید خطیب زادہ کی طرف سے ظاہر کیے گئے دوٹوک ردعمل سے متصادم ہو رہا ہے جب انہوں نے گزشتہ پیر کو کہا تھا کہ یہ امریکی پابندیوں اور ضمانتوں کے خاتمے کی تصدیق کے حوالے سے تہران کے عزائم کو پورا نہیں کر پا رہا ہے۔(۔۔۔)

جمعرات  10 جمادی الآخر 1443 ہجری  - 13  جنوری  2021ء شمارہ نمبر[15752]