سابق امریکی صدر ڈونالڈ ٹرمپ کے ذاتی معاون نے کل جمعرات کے روز "خفیہ" شمار کی جانے والی سرکاری دستاویزات کو غلط طریقے سے ہینڈل کرنے کے وفاقی الزامات میں قصوروار نہ ہونے کی استدعا کی ہے۔
گوام سے تعلق رکھنے والے سابق امریکی بحریہ اہلکار 40 سالہ والٹن "والٹ" نوٹا نے میامی کی ایک عدالت میں مختصر سماعت کے دوران اپنے دلائل پیش کیے۔
نوٹا کے دفاعی وکیل سٹینلے ووڈورڈ نے کہا کہ ان کا مؤکل "تمام الزامات میں قصوروار نہیں ہونے کی استدعا کرتا ہے۔"
"فرانس پریس ایجنسی" نے جیسا کہ رپورٹ کیا ہے کہ جب جسٹس ایڈون ٹوریس نے اس سے پوچھا: کیا وہ جانتے ہیں کہ عدالت نے انہیں کیوں طلب کیا ہے، تو نوٹا نے جواب دیا، "جی، یور آنر۔"
جب کہ ٹرمپ، جو اب بھی 2024 میں ہونے والے صدارتی انتخابات کے لیے ریپبلکن نامزدگی جیتنے کی دوڑ میں سب سے آگے ہیں، نے حکومت کی کچھ خفیہ دستاویزات کو غلط طریقے سے ہینڈل کرنے اور ان کی واپسی کو روکنے کی سازش کرنے کے درجنوں مجرمانہ الزامات میں قصوروار نہ ہونے کی پچھلے مہینے استدعا کی تھی۔
دوسری جانب نوٹا، جسے اس سازش میں شریک سمجھا جاتا ہے، پر فلوریڈا کے علاقے مارالاگو میں سابق صدر کی رہائش گاہ پر ٹرمپ کو دستاویزات چھپانے میں مدد کرنے کے 6 الزامات کا سامنا ہے۔(...)
جمعہ 19 ذی الحج 1444 ہجری - 07 جولائی 2023ء شمارہ نمبر [16292]
