آج جمعہ کے روز امریکی وزارت دفاع "پینٹاگون " نے کہا ہے کہ امریکی وزیر دفاع لائیڈ آسٹن نے اپنے اسرائیلی ہم منصب یوو گیلنٹ پر زور دیا ہے کہ وہ غزہ کی پٹی میں شہریوں کے تحفظ، امداد کی فراہمی اور مغربی کنارے میں آباد کاروں کے تشدد کو کم کرنے کے لیے کوششوں کو مزید بڑھائیں۔
امریکی وزارت نے اپنے جاری بیان میں وضاحت کی کہ آسٹن نے گیلنٹ کے ساتھ ٹیلی فونک رابطے کے دوران روان ہفتے اسرائیلی فوج اور "لبنانی حزب اللہ" کے درمیان ہونے والی سرحدی جھڑپوں کے بارے میں بھی اپنی تشویش کا اظہار کیا، "جس کی وجہ سے لبنانی مسلح افواج کا ایک فوجی اور ایک اسرائیلی شہری ہلاک ہو گئے تھے۔"
بیان میں کہا گیا ہے کہ رابطے کے دوران آسٹن نے "بحیرہ احمر میں حوثیوں کی بڑھتی ہوئی جارحیت کی مذمت کی، جس سے جہاز رانی کی آزادی اور سمندری تجارتی نقل و حرکت کو خطرہ لاحق ہے۔"
جمعہ-24 جمادى الأولى 1445ہجری، 08 دسمبر 2023، شمارہ نمبر[16446]
