گذشتہ روز اسرائیلی فوج نے کہا کہ فوج کے ایک ڈرون طیارے نے جنین شہر کے قریب اسرائیلی علاقوں پر فائرنگ کرنے والے مسلح افراد کی کار کو نشانہ بنایا اور اس میں موجود افراد کو کامیابی سے ختم کر دیا گیا۔ اسرائیلی فوج نے نشاندہی کی ہ مسلح افراد نے حال ہی میں مغربی کنارے میں اسرائیلی قصبوں کی جانب فائرنگ کی متعدد کارروائیاں کیں۔ جب کہ فلسطینی خبر رساں ایجنسی نے اطلاع دی کہ تین افراد اس وقت مارے گئے جب وہ ایک کار میں سوار تھے اور ان کو نشانہ بنایا گیا۔
ایجنسی نے وضاحت کی کہ ایک اسرائیلی طیارے نے الجلمہ نامی قصبے کے قریب المقیبلہ ہوائی اڈے کے میدانی علاقے میں کار کو میزائل سے نشانہ بنایا۔ اس نے فلسطینی سول ڈیفنس کے حوالے سے بتایا کہ اس کا عملہ علاقے میں پہنچ کر جلتی ہوئی آگ کو بجھانے میں کامیاب رہا، جس کے "اندر 3 جلی ہوئی لاشیں تھیں۔"
اسرائیلی فوج کے ترجمان افیخائی ادرعی نے کہا کہ کار میں سوار مسلح افراد نے اسرائیلی قصبوں کی جانب فائرنگ کی کارروائیاں کیں تھیں۔ عینی شاہدین نے عرب ورلڈ نیوز ایجنسی (AWP) کو بتایا کہ انہوں نے حملے کے بعد کار کے اندر مرنے والوں کو دیکھا، جس حملے کے بارے میں ادرعی نے کہا تھا کہ یہ اسرائیلی فوج کے ڈرون نے کیا تھا۔ (...)
جمعرات - 04 ذی الحج 1444 ہجری - 22 جون 2023ء شمارہ نمبر [16277]
