الجزائر کے دارالحکومت کے مغرب میں ایک عدالت نے سابق رکن پارلیمنٹ اور اسلام پسند "جسٹس اینڈ سٹیٹمنٹ پارٹی" کی سربراہ نعیمہ صالحی کے خلاف "تعصب اور نفرت" کے الزامات کی بنیاد پر 6 ماہ قید کی سزا سنائی ہے۔" صالحی قبائلی علاقے کے سیاسی کارکنوں کے خلاف تیز حملوں کی خصوصیت رکھتی تھیں، جس کے سبب گذشتہ سال کے آخر میں انہیں ابتدائی طور پر جیل کی سزا سنائے جانے کے باوجود اس پر عمل درآمد نہ ہو سکا۔
(58 سالہ) صالحی کے خلاف شکایت کنندہ وکیل مراد عمیری نے اپنے "فیس بک" اکاؤنٹ پر اس فیصلے پر اطمینان کا اظہار کیا اور یہ واضح نہیں کیا کہ آیا وہ ملزم کو مقدمے سے پہلے زیر حراست رکھنے کے حق میں تھے یا نہیں۔
فیصلہ جاری ہونے کے موقع پر، صالحی نے صدر عبدالمجید تبون سے اپیل کی کہ وہ ان کے مخالفین، ، جو کالعدم پارٹی "ریلی فار کلچر اینڈ ڈیموکریسی" اور "قبائلی ؒخودمختاری تحریک" کے سیاست دان ہیں، کے خلاف ان کے ساتھ کھڑے ہوں۔ انہوں نے سوشل میڈیا پلیٹ فارمز پر صدر کو مخاطب کرتے ہوئے کہا: "مجھے سمیت ہر وہ شخص جو الجزائر کو الگ کرنے کے منصوبے کو مسترد کرتا ہے اسے خاموش رہنے اور منہ بند رکھنے پر مجبور کیا جا رہا ہے۔" (...)
منگل - 19 شوال 1444 ہجری - 09 مئی 2023ء شمارہ نمبر [16233]
