فلسطین ٹیلی ویژن نے کہا ہے کہ کل بدھ کی شام غزہ کی پٹی میں جبالیہ پناہ گزین کیمپ میں الفالوجا کے علاقے میں ایک رہائشی چوک پر اسرائیلی بمباری میں درجنوں افراد ہلاک اور زخمی ہوگئے ہیں، جیسا کہ "عرب ورلڈ نیوز ایجنسی" نے رپورٹ کیا ہے۔
اس سے قبل عینی شاہدین نے ایجنسی کو بتایا تھا کہ اسرائیلی جنگی طیاروں نے جبالیہ کے علاقے الفالوجہ میں ایک رہائشی چوک کو نشانہ بناتے ہوئے کم سے کم چار حملے کیے جس سے وہاں بڑی تباہی ہوئی ہے۔
اسرائیل نے کل شام کو شمالی غزہ کی پٹی میں قتل عام کرتے ہوئے جبالیہ فلسطینی پناہ گزین کیمپ کے وسط میں ایک پورے محلے کو تباہ کر کے اسے لاشوں اور ملبے کے ڈھیر میں تبدیل کر دیا۔
فلسطینی وزارت داخلہ کے ترجمان ایاد البزم نے گزشتہ روز ایک پریس کانفرنس میں اس بات کی تصدیق کی کہ "اسرائیلی بمباری کے نتیجے میں جبالیہ کیمپ کا ایک پورا محلہ تباہ ہو چکا ہے اور ابتدائی اعداد و شمار کے مطابق اس دوران 400 لوگ متاثر ہوئے، جن میں شہید اور زخمی شامل ہیں۔" انہوں نے مزید کہا کہ، "قابض فورسز نے قتل عام کرتے ہوئے جبالیہ کیمپ کے علاقے میں ایک پورے رہائشی محلے کو 5 بموں سے اڑا دیا۔ جس میں ہر بم کا وزن ایک ٹن تھا، جس سے بلاک 6 کا محلہ مکمل طور پر تباہ ہو گیا ہے۔" انہوں نے مزید کہا کہ "متاثرین میں سب سے زیادہ تعداد بچوں اور خواتین کی تھی۔" (...)
جمعرات-18ربیع الثاني 1445ہجری، 02 نومبر 2023، شمارہ نمبر[16410]
