عربي English Türkçe اردو فارسى
Logo
تازہ ترین
خبريں عرب دنیا

بغداد میں امریکی حملے میں "حزب اللہ بریگیڈز" کا ایک اہم رہنما ہلاک

بغداد میں ایک تباہ شدہ کار کو ٹرک میں ڈالا جا رہا ہے جسے ڈرون کے ذریعے نشانہ بنایا گیا تھا (اے ایف پی)
بغداد میں ایک تباہ شدہ کار کو ٹرک میں ڈالا جا رہا ہے جسے ڈرون کے ذریعے نشانہ بنایا گیا تھا (اے ایف پی)
TT
TT

بغداد میں امریکی حملے میں "حزب اللہ بریگیڈز" کا ایک اہم رہنما ہلاک

بغداد میں ایک تباہ شدہ کار کو ٹرک میں ڈالا جا رہا ہے جسے ڈرون کے ذریعے نشانہ بنایا گیا تھا (اے ایف پی)
بغداد میں ایک تباہ شدہ کار کو ٹرک میں ڈالا جا رہا ہے جسے ڈرون کے ذریعے نشانہ بنایا گیا تھا (اے ایف پی)

کل بدھ کی شام بغداد کے مشرق میں ایرانی حمایت یافتہ عراقی "حزب اللہ بریگیڈز" کے اہلکاروں کو لے جانے والی ایک کار کو امریکی ڈرون حملے میں نشانہ بنایا گیا۔ ایک ذریعہ نے "عرب ورلڈ نیوز ایجنسی" کو بتایا کہ ہلاک ہونے والے دو ممتاز رہنماؤں میں، بریگیڈز میں لاجسٹک سپورٹ کے ذمہ دار ابو باقر الساعدی، اور گروپ میں معلومات اکٹھی کرنے کے ذمہ دار ارکان العلیاوی شامل ہیں۔

بعد میں امریکی سینٹرل کمانڈ نے اعلان کیا کہ یہ حملہ امریکی فوجی اہلکاروں پر کیے گئے حملوں کا جواب ہے۔ کمانڈ نے اپنے بیان میں مزید کہا کہ حملے کے نتیجے میں "عراقی حزب اللہ بریگیڈز" کے ایک رہنما کی ہلاکت ہوئی ہے جو "خطے میں امریکی افواج پر حملوں میں براہ راست منصوبہ بندی اور شرکت کا ذمہ دار تھا۔" (...)

جمعرات-27 رجب 1445ہجری، 08 فروری 2024، شمارہ نمبر[16508]

عنوانات
العراق أميركا

سب سے زیادہ پڑھا گیا

 
 
خبريں عرب دنیا

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
  • غزہ: «الشرق الأوسط»
TT
  • غزہ: «الشرق الأوسط»
TT

غزہ میں نصیرات، الزویدہ اور دیر البلح پر اسرائیلی بمباری میں 70 افراد ہلاک

غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)
غزہ کی پٹی پر اسرائیلی حملوں کے نتیجے میں دھواں اٹھ رہا ہے (ای پی اے)

فلسطینی خبر رساں ایجنسی نے کل اتوار کے روز اطلاع دی کہ غزہ کی پٹی میں نصیرات، الزویدہ اور دیر البلح کے علاقوں پر اسرائیلی بمباری میں 70 افراد ہلاک ہوگئے ہیں۔

سرکاری ایجنسی نے کہا کہ بمباری کے نتیجے میں کئی افراد زخمی بھی ہوئے ہیں، انہوں نے کہا کہ ہلاک اور زخمی ہونے والوں میں زیادہ تعداد بچوں اور خواتین کی ہے۔

ایجنسی نے مزید کہا کہ شمالی غزہ کی پٹی کے علاقوں پر اسرائیلی بمباری کے نتیجے میں ہلاک ہونے والے پانچ افراد کی لاشیں نکال لی گئی ہیں، جن میں زیادہ تر بچے تھے۔ جب کہ اسرائیل کی غزہ شہر پر بمباری میں الشجاعیہ، الزیتون، تل الہوی اور شیخ عجلین کے محلوں کو نشانہ بنایا گیا۔

غزہ کی پٹی کے جنوب میں، ایجنسی کی اطلاع کے مطابق خان یونس پر مسلسل اسرائیلی بمباری کے بعد 16 ہلاک شدگان کی لاشیں ہسپتالوں میں پہنچی ہیں۔

فلسطینی صدر محمود عباس نے آج صبح سویرے کہا کہ اسرائیلی حکومت غزہ کی پٹی اور خاص طور پر رفح پر اپنی جنگ جاری رکھنے پر اصرار کے ذریعے یہاں کی آبادی کو زبردستی نقل مکانی پر مجبوری کر رہی ہے۔

ایجنسی نے فلسطینی قیادت کی ملاقات کے دوران عباس کے دیئے گئے بیان کو نقل کیا، انہوں نے کہا: "نیتن یاہو حکومت اور قابض فوج اب بھی غزہ کی پٹی کے مختلف شہروں اور خاص طور پر رفح شہر پر جارحانہ جنگ جاری رکھنے پر مُصر ہے، جس کا مقصد شہریوں پر جبری نقل مکانی مسلط کرنا ہے، جسے نہ تو ہم قبول کرتے ہیں اور نہ ہی ہمارے بھائی اور دنیا قبول کرتی ہے۔"

عباس نے وضاحت کی کہ فلسطینی قیادت کا اجلاس غزہ کی صورت حال پر تبادلہ خیال کرنے کے لیے بلایا گیا ہے تاکہ "ان حملوں کو اور ایسے اقدامات کو روکا جا سکے جس سے فلسطینی عوام کو ان کی سرزمین اور ملک سے بے دخل کر دیا جائے۔" انہوں نے اس بات پر زور دیا کہ رفح کی صورتحال "انتہائی خطرناک اور مشکل ہو چکی ہے، جس کے لیے فلسطینی قیادت کو فوری کاروائی کی ضرورت ہے۔"

پیر-09 شعبان 1445ہجری، 19 فروری 2024، شمارہ نمبر[16519]

عنوانات
فلسطين إسرائيل