جبوتی کے صدر اسماعیل عمر جیلہ زور دیتے ہوئے کہا ہے کہ ان کا ملک بحیرہ احمر اور اسٹریٹجک آبنائے باب المندب کو محفوظ بنانے اور بین الاقوامی تجارت کی راہ میں حائل رکاوٹوں کو دور کرنے کا خواہش مند ہے۔ انہوں نے نشاندہی کی کہ یہ خطہ مزید بحرانوں کا متحمل نہیں ہو سکتا۔
صدر جیلہ نے جبوتی میں اپنے صدارتی دفتر میں "الشرق الاوسط" کے ساتھ ایک وسیع گفتگو کرتے ہوئے بڑی طاقتوں، جن میں امریکہ، فرانس، برطانیہ اور بحیرہ احمر کے ساحل پر واقع ممالک اور ان میں سرفہرست سعودی عرب ہے، کے ساتھ ہم آہنگی اور تعاون کے ذریعے سمندری نقل و حرکت کے تحفظ، دہشت گردی اور درپیش چیلنجز کا مقابل کرنے پر بات کی، جس سے نہ صرف خطہ بلکہ پوری دنیا پریشان ہے۔
صدر جیلہ نے جبوتی-سعودی تعلقات کو "مضبوط اور گہری جڑوں والا" قرار دیتے ہوئے انکشاف کیا کہ حالیہ وقت میں جبوتی اور سعودی عرب کے مابین براہ راست سمندری اور ہوائی نقل و حمل کے میدان میں مشترکہ منصوبوں کے قیام اور جبوتی میں بین الاقوامی آزاد تجارتی زون میں سعودی برآمدات اور مصنوعات کے لیے فری زون اور گوداموں کے قیام پر کام جاری ہے، جس سے براعظم افریقہ میں سعودی برآمدات کے بہاؤ میں اضافہ ہوگا۔
پیر-02 شعبان 1445ہجری، 12 فروری 2024، شمارہ نمبر[16512]
