تیونس کے ایوان صدر اور ہالینڈ کے وزیر اعظم مارک روٹے نے کل اتوار کے روز بیان دیا کہ تیونس کے صدر قیس سعید اور یورپی کمیشن کے صدر اورسولا وان ڈیر لیین نے "اسٹریٹجک پارٹنرشپ" کے معاہدے پر دستخط کیے ہیں۔ جس کے مطابق معیشت اور عوامی مالیات کو سہارا دینے کے لیے امدادی پیکج کے بدلے انسانی سمگلروں سے نمٹنے میں مدد دی جائے گی۔
روٹے نے ٹویٹر پر لکھا، "یہ (شراکت داری کا معاہدہ) انسانی اسمگلنگ اور ان کے اسمگلروں کے کاروباری کو معطل کرنے، سرحدی نگرانی کو سخت کرنے، رجسٹریشن اور واپسی کے طریقہ کار کو بہتر بنانے اور غیر قانونی امیگریشن کو روکنے کی کوششوں کو مضبوط کرنے کے لیے تمام ضروری اقدامات پر مشتمل ہے۔"
یورپی کمیشن کی خاتون سربراہ اسٹریٹجک اور جامع شراکت داری کے معاہدے پر دستخط کرنے کے لیے کل اتوار کے روز اٹلی اور ہالینڈ کے وزرائے اعظم کے ہمراہ تیونس پہنچیں۔
یاد رہے کہ ایک ماہ میں یورپی وفد کا تیونس کا یہ دوسرا دورہ ہے، جو کہ اس سال تیونس کے ساحلوں سے تارکین وطن کی بڑی آمد کو روکنے کے لیے ایک ارب یورو سے زیادہ کے امدادی پیکج کے بدلے مزید تعاون حاصل کرنے کی کوشش کے تناظر میں ہے۔
پیر 28 ذی الحج 1444 ہجری - 17 جولائی 2023ء شمارہ نمبر [16302]
