فن لینڈ کے ترکو شپ یارڈ میں "سمندروں کا آئیکن" نامی جہاز کی تعمیر کا عمل اس کے بنانے والوں کے مطابق مکمل ہونے کے قریب ہے، جو کہ شیڈول کے مطابق آئندہ جنوری میں پہلی بار سفر پر نکلے گا۔
فرانسیسی پریس ایجنسی کے مطابق، یہ جہاز، جسے شپنگ کمپنی "رائل کیریبین" نے آرڈر کیا تھا، ایک چھوٹے قصبے کی طرح لگتا ہے، جس میں سات سوئمنگ پول، ایک پارک اور دکانوں کے علاوہ ایک آئس سکیٹنگ رِنک بھی ہے۔
"سمندروں کا آئیکن" تقریباً دس ہزار افراد کو لے جانےکی صلاحیت رکحتا ہے، جب کہ اس کا کل وزن 2 لاکھ 25 ہزار ٹن سے زیادہ ہو سکتا ہے، جو کہ "ٹائٹینک" جہاز کے سائز سے پانچ گنا زیادہ ہے۔ شیڈول کے مطابق یہ جلد ہی میامی سے بحیرہ کیریبین کی سیر کرے گا۔
شپ بلڈر کمپنی میئر ٹورکو کے سی ای او ٹم میئر نے کہا: "یہ جہاز اب تک ہماری معلومات کے مطابق دنیا کا سب سے بڑا کروز شپ ہے۔"
جب کہ کچھ لوگ اس بڑے جہاز کو اس کے کاربن فٹ پرنٹ کی وجہ سے تنقید کا نشانہ بنا رہے ہیں اور دیگر کچھ لوگ اس تیرتی ہوئی سیاحتی دنیا کی جدید انجینئرنگ سے حیران ہیں۔(...)
جمعرات-23 محرم الحرام 1445ہجری، 10 اگست 2023، شمارہ نمبر[16326]
