روسی وزارت دفاع نے کہا ہے کہ فوج نے پیر کی شام بحیرہ اسود کے اوپر یوکرین کے دو ڈرون طیاروں کو مار گرایا ہے۔
"رائٹرز" نیوز ایجنسی کی رپورٹ کے مطابق، روسی فوج نے ایک بیان میں کہا ہے کہ دونوں ڈرون طیاروں کو کریمیا کے شمال مغرب میں 40 کلومیٹر کے فاصلے پر مقامی وقت کے مطابق رات 11:00 بجے (20:00 GMT) مار گرایا۔
بیان میں کہا گیا ہے، "ایئر ڈیفنس فورسز نے یوکرین کے دو ڈرون طیاروں کا پتہ لگایا، جنہیں الیکٹرانک جیمنگ کے ذریعے بے اثر کر دیا گیا۔"
جب کہ گزشتہ ہفتے کے روز، روسی وزارت دفاع نے کہا تھا کہ ان کی فضائی دفاعی فورسز نے یوکرین کی طرف سے جزیرہ نما کریمیا پر رات کے وقت داغے گئے ایک میزائل کو مار گرایا۔ یاد رہے کہ روس نے 2014 میں یوکرین کے اس علاقے کو روس میں شامل کر لیا تھا، جہاں حالیہ ایام میں ڈرون اور میزائل حملوں میں اضافہ دیکھنے میں آ رہا ہے۔
منگل-06 صفر 1445ہجری، 22 اگست 2023، شمارہ نمبر[16338]
