یوکرین میں اگلے سال صدارتی انتخابات کے انعقاد کے امکان پر تنازع کے دوران یوکرین کے صدر ولادیمیر زیلنسکی نے کل پیر کے روز تصدیق کی کہ "انتخابات کرانے کا یہ وقت مناسب نہیں ہے۔"
زیلنسکی نے اپنی یومیہ تقریر میں کہا: "ہمیں یہ فیصلہ کرنا چاہیے کہ یہ وقت دفاع کا اور اس جنگ کا ہے جس پر ریاست اور عوام کی تقدیر کا انحصار ہے، نہ کہ یوکرین کے اس ڈرامے کا جس کا صرف روس منتظر ہے۔ میرے خیال میں انتخابات کرانے کا یہ مناسب وقت نہیں ہے۔" انہوں نے مزید کہا: "ہمیں متحد ہونا چاہیے تقسیم نہیں، ہمیں اختلافات یا دیگر ترجیحات پر تقسیم نہیں ہونا چاہیے۔"
اگر روس نے فروری 2022 میں اپنا حملہ شروع نہ کیا ہوتا تو یوکرین میں اس سال اکتوبر میں قانون سازی کے انتخابات ہو چکے ہوتے اور اس کے بعد مارچ 2024 میں صدارتی انتخابات ہوتے۔
لیکن کیف موجودہ حالات میں الجھن محسوس کر رہا ہے اور اس کے مغربی اتحادی اس پر زور دے رہے ہیں کہ وہ جمہوری انتخابات کرائے، جب کہ اس کے تقریباً بیس فیصد علاقے پر روس کا قبضہ ہے اور لاکھوں یوکرینی شہری بیرون ملک پناہ لیے ہوئے ہیں۔ جب کہ اس میں ایک اور بڑی رکاوٹ یہ ہے کہ موجودہ مارشل لاء کے تحت انتخابات کرانے کے لیے انتخابی قانون میں تبدیلی لانا پڑے گی۔(...)
منگل-23 ربیع الثاني 1445ہجری، 07 نومبر 2023، شمارہ نمبر[16415]
