سعودی عرب کے ولی عہد اور وزیر اعظم شہزادہ محمد بن سلمان نے آج جدہ کے السلام پیلس میں امریکی وزیر خارجہ انتھونی بلنکن سے ملاقات کی۔ملاقات کے دوران انہوں نے دونوں دوست ممالک کے درمیان دوطرفہ تعلقات، مختلف شعبوں میں تعاون کے پہلوؤں اور اس کے فروغ کی راہوں کا جائزہ لیا، اس کے علاوہ علاقائی و بین الاقوامی صورتحال میں ہونے والی پیش رفت اور اس سلسلے میں کی جانے والی کوششوں پر تبادلہ خیال کیا۔ملاقات میں امریکہ میں خادم حرمین شریفین کی سفیر شہزادی ریما بنت بندر بن سلطان، وزیر خارجہ شہزادہ فیصل بن فرحان اور وزیر مملکت و وزراء کونسل کے رکن و قومی سلامتی کے مشیر ڈاکٹر مساعد العیبان نے شرکت کی۔جب کہ امریکہ کی جانب سے امریکی وزیر خارجہ کے مشیر ڈیرک چولیٹ، مملکت میں امریکی سفیر مائیکل راتنی، نائب وزیر خارجہ باربرا لیف اور وزیر خارجہ کے ڈپٹی چیف آف سٹاف ٹوم سلیوان نے شرکت کی۔
بدھ 18 ذوالقعدہ 1444 ہجری- 07 جون 2023ء شمارہ نمبر (16262)
