سعودی وزارت خارجہ نے اسرائیلی قابض افواج کی حفاظت میں انتہاپسندوں کے ایک گروپ کی طرف سے مسجد الاقصیٰ پر حملے کی مملکت سعودیہ کی جانب سے مذمت کا اظہار کرتے ہوئے اسے مسترد کیا ہے۔ سعودی وزارت خارجہ نے اس بات پر زور دیا کہ یہ طرز عمل تمام بین الاقوامی اصولوں اور کنونشنز کی صریح خلاف ورزی شمار ہوتا ہے، اور یہ دنیا بھر کے مسلمانوں کے جذبات کو مشتعل کرنے والا عمل ہے۔
سعودی وزارت خارجہ نے ان خلاف ورزیوں کے تسلسل کے نتائج کے لیے اسرائیلی قابض افواج کو مکمل طور پر ذمہ دار ٹھہرایا اور بین الاقوامی برادری پر زور دیا کہ وہ اسرائیلی قبضے میں اضافے کے خاتمے کے لیے اپنی ذمہ داریاں ادا کرے، شہریوں کو ضروری تحفظ فراہم کرے اور اس تنازعے کے خاتمے کے لیے تمام تر کوششیں بروئے کار لائے۔
پیر-03 ربیع الاول 1445ہجری، 18 ستمبر 2023، شمارہ نمبر[16365]
