ولی عہد اور سعودی عرب کے وزیراعظم شہزادہ محمد بن سلمان کی ہدایت پر مملکت سعودی عرب کے وزیر دفاع شہزادہ خالد بن سلمان نے فرانسیسی صدر ایمانوئل میکرون سے ایلیسی پیلس میں ملاقات کی۔
دونوں رہنماؤں نے ملاقات میں دونوں دوست ممالک کے درمیان دوطرفہ تعلقات کا جائزہ لیا۔
جب کہ پرسوں شہزادہ خالد بن سلمان نے فرانس کے جنوب میں بحیرہ روم میں فرانسیسی فریگیٹ "چیوالیئر پاؤل" کا دورہ کیا اور ان کی آمد پر فرانس کے مسلح افواج کے وزیر سیبسٹین لیکورنو نے ان کا خیرمقدم کیا۔
سعودی وزیر دفاع نے متعدد رافیل طیاروں کی شرکت کے ساتھ فضائی دفاعی مشق کا مشاہدہ کیا جس کے دوران انہیں اس طیارے کی دفاعی صلاحیتوں اور اس میں موجود جدید ٹیکنالوجی و آلات کے بارے میں بریفنگ دی گئی۔ جس کے بعد وہ فریگیٹ کے کمانڈ ٹاور پر گئے اور فریگیٹ کے مہمانوں کی ڈائری میں اپنا بیان تحریر کیا۔
جمعرات-08 جمادى الآخر 1445ہجری، 21 دسمبر 2023، شمارہ نمبر[16459]
