سعودی عرب کے "الاتحاد" کلب کی انتظامیہ نے برطانوی چیلسی کلب کے مڈفیلڈر فرانسیسی کھلاڑی نگولو کانٹی (N'Golo Kante)کو اس سیزن میں سائن کرنے کا اعلان کیا ہے جو کہ ان کے فرانسیسی ہم وطن اور ریال میڈرڈ کے حملہ آور کھلاڑی کریم بینزیما کے بعد اپنی نوعیت کا دوسرا معاہدہ ہے۔
سعودی پروفیشنل لیگ کے چیمپیئن نے وضاحت کی کہ کانٹی کے گذشتہ عرصے میں کیے گئے طبی معائنے کے بعد ان کے معاہدے کی مدت کو 2026 تک بڑھا دیا گیا ہے، تاکہ نئے سیزن میں ٹیم کی صفوں کو مضبوط کر سکیں جس میں بہت سے فوائد وابستہ ہیں، جن میں سب سے اہم کلب کی ٹیم کی ورلڈ کپ میں متوقع شرکت ہے، جس کی میزبانی سعودی عرب اگلے دسمبر میں کرے گا۔
"الاتحاد" کلب نے اپنے نئے کھلاڑی کا تعارف سماجی رابطے کی ویب سائٹ "ٹویٹر" پر کلب کے اکاؤنٹ سے جاری ایک ویڈیو کلپ کے ذریعے یوں کروایا: افواہوں پر یقین نہ کریں، کانٹی اتحادی ہیں، جبکہ کھلاڑی گردش کرنے والی افواہوں کے درست نہ ہونے کی جانب اشارہ دیتے ہوئے نظر آئے اور کہا کہ حقیقت یہ ہے کہ وہ الاتحاد میں چلے گئے ہیں، انہوں نے کہا:" جھوٹی خبروں پر کان نہ دھریں، میں ابھی یہیں ہوں۔"
بدھ - 03 ذی الحج 1444 ہجری - 21 جون 2023ء شمارہ نمبر [16276]
