منگل کے روز، سعودی وزارت کھیل نے جامع حکومتی پروگرام کے اہداف کے مطابق وزارت کے ڈیجیٹل تبدیلی کے منصوبے کو سپورٹ کرنے کے لیے کھیلوں کے نائب وزیر بدر القاضی اور ڈیجیٹل گورنمنٹ اتھارٹی کے گورنر انجینئر احمد الصویان کی موجودگی میں ڈیجیٹل گورنمنٹ اتھارٹی کے ساتھ ایک معاہدے پر دستخط کیے۔
اس معاہدے کا مقصد کھیلوں کے شعبے کے پلیٹ فارمز اور ایپلی کیشنز کو متحد کرنا، سرکاری خدمات کے لیے ڈیجیٹل اخراجات میں کارکردگی کو حاصل کرنا اور وزارت کھیل اور دیگر شعبوں کے درمیان بات چیت کو تیز اور آسان بنانا ہے۔ اس معاہدے سے متعلق مشاورت اور خدمات فراہم کرنے کے علاوہ جامع حکومتی پروگرام کے اہداف کے مطابق ڈیجیٹل تبدیلی کے منصوبے کو سپورٹ کرنا ہے۔
خیال رہے کہ یہ معاہدہ کھیلوں کی وزارت سے منسلک 18 پلیٹ فارمز کو متحد کرتا ہے، تاکہ وہ ایک ہی چھت اور پلیٹ فارم کے تحت کام کریں اور اسپورٹس سرگرمیوں اور اس کی خدمات سے استفادہ کرنے والوں کے کام کو آسان بنایا جا سکے۔ اسی طرح ڈیجیٹل خدمات فراہم کرنے کے لیے ڈیجیٹل تبدیلی کے منصوبے کو بہتر بنا کر اس سے مستفید ہونے والوں کے تجربے کو بہتر کیا جا سکے۔(...)
بدھ-28 صفر 1445ہجری، 13 ستمبر 2023، شمارہ نمبر[16360]
