سیسی نے لبنانی حکومت کے قیام میں تیزی لانے کا کیا مطالبہ

سیسی نے لبنانی حکومت کے قیام میں تیزی لانے کا کیا مطالبہ

جمعرات, 4 February, 2021 - 13:15

مصر کے صدر عبد الفتاح السیسی نے لبنان کے ساتھ قریبی تعاون کے تعلقات کو مستحکم کرنے کے لئے مصر کی مضبوط پوزیشن کی تصدیق کی ہے اور انہوں نے اس بات کی طرف بھی اشارہ کیا کہ مصر لبنان کے مقام اور اس کی  حیثیت کو پہلے جگہ پر رکھنے اور لبنان کو اس صورتحال سے نکالنے کے لئے خواہشمند ہے جس سے وہ ابھی دوچار ہے اور یہ کام لبنانی قائدین کی طرف سے قومی مفاد کو برقرار رکھنے، تنازعات کو حل کرنے اور ایسی آزاد حکومت تشکیل دینے کی کوششوں میں تیزی لانے کے ذریعہ سے ہو سکتا ہے جو موجودہ چیلنجوں سے نمٹ سکے اور لبنانی عوام کی صلاحیتوں کے تحفظ اور ان کے قومی تانے بانے کے اتحاد کی حفاظت کرنے کی اہلیت رکھتی ہے۔


 


یہ بات گزشتہ روز مصری صدر کی طرف سے لبنان کے نامزد وزیر اعظم سعد حریری کے کا استقبال کرنے کے دوران سامنے آئی ہے اور یہ ملاقات مصری وزیر خارجہ، سامح شکری اور انٹیلی جنس کے سربراہ جنرل عباس کامل کی موجودگی میں ہوئی ہے اور اس ملاقات میں پوری لبنانی امور سے متعلق گفت وشنید ہوئی ہے اور علاقائی صورتحال کی نمایاں پیشرفتوں اور فریم ورک کو مضبوط بنانے کے طریقوں کے سلسلہ میں تبادلۂ خیال کیا گيا ہے  اور دونوں ممالک کے مابین موجودہ دو طرفہ تعاون کے بارے میں بھی گفتگو ہوئی ہے۔(۔۔۔)


 


جمعرات 22 جمادی الآخر 1442 ہجرى – 04 فروری 2021ء شماره نمبر [15409]


انتخاباتِ مدير

ملٹی میڈیا